Эрхэм хэрэглэгч таны хүсэлтийн дагуу “40000 орон сууц хөтөлбөрт” төрийн албан хаагч нар яаж хамаарагдах вэ? гэсэн асуултанд хариулт авахаар орон сууц санхүүжилтын корпарацийн мэдээллийн ажилтан Рэнцэнд хандлаа

Манай вэб сайтад “40000 орон сууц хөтөлбөр”-т төрийн албан хаагчид яаж хамаарагдах вэ? гэсэн асуултууд маш ихээр ирж байгаа. Энд та хариулт өгнө үү?
“40000 орон сууц хөтөлбөр”-т маань МУ-ын иргэн, өрхүүд хамрагдах юм. Тийм ч учраас төрийн албан хаагчид нь ч мөн ялгаагүй энэ хөтөлбөрт хамрагдаж болно. Харин яаж хамаарагдах вэ? гэхээр иргэн та өөрийн ажиллаж буй харьяа байгуулгын тамгын хэлтэс ч юм уу? Эсвэл хүний нөөц хариуцсан мэргэжилтэндээ энэхүү төсөлд хамрагдах сонирхолтой байгаагаа албан бичгээр мэдэгдээрэй. Үүний дараа тэдгээр хүмүүс манай орон сууц санхүүжилтийн корпарацтай ирж уулзан тусгай хувийн дугаар бүхий нууцлалын кодтой дахин давтахгүй шар хуудсыг байгуулгын ажилчиддаа албан ёсоор тарааж буцааж бидэнд зохих журмын дагуу авчирч өгөх болно. Ингэснээр танай гэр “ 40000 орон сууц хөтөлбөрт “ хамрагдлаа гэсэн үг.

Тэгэхээр ямар бичиг баримт бүрдүүлэх вэ? гэж их асуудаг л даа энэ талаар
Миний ярисан энэ шар хуудсан дээр бүхий л шаардлагтай зүйлс бичигдсэн байгаа. Хамгийн гол нь та энэ төсөлд хамрагдахын тулд “шар хуудсыг” бөглөх хэрэгтэй. Би түрүүн хэлсэн энэхүү шар хуудас нь дор бүрнээ хувийн дугаартай учираас гэр бүлээрээ сайн ярилцаж байж бөглөөрөй гэж зөвлөе.

Энэхүү шар хуудсыг хөдөө орон нутгийн иргэд болоод өрхүүд хаанаас авч болох вэ?
Хөдөө орон нутгийн иргэд, өрхүүд маань төслийн шар хуудсыг авахдаа өөрийн оршин суугаа аймаг, сумдын барилга хот байгуулалтын албанаас авч болно.

Шар хуудсыг бөглөхийн тулд тодорхой төлбөр төлөх үү?
Төлөлгүй яахав. Учир нь шар хуудас маань үнэт цаасан дээр хэвлэгдэн гардаг байгаа. Тиймээс та 1000 төгрөг төлөөд авч бөглөх боломжтой.

Ярилцлагын төгсгөлд та иргэд, өрхүүдэд хандаж зөвлөх зөвлөмж, сануулга байна уу?
Би энд нэг чухал зүйлийг хэлье. Иргэд маань нэг өрхөд амьдарч байгаа эхнэр нь ч юм уу эсвэл нөхөр, өөр хэн ч байдгийн тухайн өрх айлд гишүүн тооцогдох хүмүүс дор бүрнээ өөрийн ажилладаг байгуулгууддаа бөглөж өгсөн байдаг. Энэ бол хориотой зүйл юм. Энэ нь манай байгуулгын мэдээллийн санд давхардан бидний ажилд саад учруулдаг гэдгийг нийт өрхүүд, иргэддээ хэлье.
Ярилцлага өгсөн танд их баярлалаа.

Хэрэглэгч та юун тухай мэдэхийг хүсэж байгаагаа манай вэб сайтад бичиж ирүүлээрэй. Бид таны хүсэлтийн дагуу сурвалжилах болно. 

Д.Нарантуяа
Барилга.мн