“Монгол шуудан”, “Зоос” банк бvх төрлийн зээлээ хаасан хэвээр байна. “Капитал”, “Хадгаламж”, “ХААН”, “Хас”, “Капитрон” банкууд бизнесийн болон цалингийн, тэтгэврийн, хадгаламж барьцаалсан, лизингийн зээлийг олгож байгаа юм. Эдгээр банк барилга, орон сууцны зээлийг олгож эхлээгvй. “Хас” банк шинэ он гартал орон сууцны зээл өгөхгvй аж. Бусад банк хэдийд зээл олгох нь тодорхойгvй байна. Худалдаа хөгжлийн банкны итгэмжит компаниудаас байр худалдан авсан иргэд зээлд хамрагдах боломжтой. Монголбанк бодлогын хvvгээ бууруулснаар арилжааны банкуудад ашигтай нөхцөл vvсээд буй.
“Анод” банк орон сууцны зээлийн шинэ vйлчилгээг санал болгожээ. Өмнө өгч байсан зээлээс ялгаатай нь иргэд хадгаламжид байр худалдан авах мөнгөнийхөө тал хувийг хуримтлуулах юм. Ингэхдээ зургаан сараас дээш хугацаанд хадгаламжийн дансандаа сар бvр тогтмол орлого хийх ёстой аж. Хуримтлал хангалттай хэмжээнд хvрсэн vед зээлдэгч vлдсэн 50 хувиа банкнаас зээл хэлбэрээр авах юм. Хадгаламжийн сарын хvv 0.1 хувь, зээлийн хvv нэг хувиар бодогдоно. “Голомт” банкны хувьд байрны зээлийн эргэн төлөгдөх хугацаа 15 жил. Сарын 1.8 хувийн хvvтэйгээр 1-120 сая төгрөг хvртэл мөнгийг зээлж байна. Тус банк худалдан авах орон сууц нь тухайн өрхийн анхдагч байх, шинэ баригдсан барилга авбал байрыг ашиглалтад орсон, улсын комисс хvлээн авсан байх шаардлага тавьжээ. Гэхдээ сvvлийн төлбөрийг санхvvжvvлж байна.