Ээлтэй хаалга
Хаапга дор хаяж 70% нь цул, ямар нэг нүхгүй байвал дээр гэж үздэг. Хаалган дээр хэн ирснийг харах нүх гаргавал зүгээр боловч фэнг шуйд цул хаалгыг илүүд үздэг байна. Хашааны хаалганы төв хэсэг нь хоёр хажуугаасаа өндөр байхаар хийвэл маш ээлтэй байдаг гэнэ. Энэ нь хүн өөрийн бүх зорилгодоо хүрнэ гэсэн санааг бэлгэддэг байна. Хэрэв хаалганы тань төв хэсэг хоёр хажуугаасаа нам байвал таны ажил алба уналтад орно гэсэн дохио юм

Хаалганы орчин
Хаалга 2 хавтастай бол илүү том гэсэн санааг илэрхийлдэг байна. Үүдний дэргэд үргэлж цэцэглэж байдаг цахирмаа цэцэг байвал сайн бөгөөд гандаж хатмагц нь сольж байх хэрэгтэй гэнэ.
Тайландчууд хаалганыхаа дэргэд эд баялаг, сайн ашиг орлогыг ивээн тэтгэдэг хөгжлийн бурхныг тавьж Цен энергийг бий болгодог байна.
Хаалганы ойролцоо буй хурц ирмэгийг цэцгээр халхалж болох ба толийг гол хаалга тусахгүйгээр байрлуулах нь зүйтэй байдаг.

Гол хаалгандаа анхаар
Гол хаалга таны амьдарч буй орчны эхлэл юм. Бүх аз хийморь энэ хаалгаар орж ирэх боловч мөн энэ хаалгаар гарч явж болзошгүй юм.
Гол хаалгаа жижиг хог новшоор дүүрсэн зай руу бүү онгойлго. Үүдний өрөө хэт жижиг бол чанх үүд рүү хараагүй ханандаа толь байрлуул.
Гол хаалгаа урт шулуун коридор руу бүү нээ. Орох гарах болгонд хорт сум болон үйлчилдэг учир хаалт байрлуул.
Гол хаалга өргөн уужим зай руу эсвэл жижгэвтэр хэсэг рүү онгойх ёстой. Хаалга чинь өөр эсрэг хаалга руу онгойвол сайн энерги шууд гадагшилна. Шат хаалганы хажууд байх нь сайн фэнг-шуй болдог.

Аюулгүй зөв дээвэр
Та өөрийн хувийн орой зайгаа ээлтэй байлгахын тулд зөв тохиромжтой оромжтой болох хэрэгтэй. Тэгснээр та бүхэн нар, салхи, бороо зэрэг элементүүдээс хамгаалагдаж байгаа юм.
Хавтгай дээвэртэй байшингууд баталгаагүй оромжинд тооцогддог. Энгийн гурвалжин дээвэр нь илүү тохиромжтой бөгөөд илүүдэл усыг доош нь урсгадаг. Дээвэр хурц өнцөгтэй бөгөөд хөрш рүү чинь чиглэвэл тэдэнд бэрхшээл учруулах болно.

Хөх хавтанцар дээвэр
4 аюулын нэг бол уулын оройд байх ус юм. Дээвэр дээр байх ус нь маш муу фэнг шуй бөгөөд хөх хавтанцар дээвэр нь усыг бэлэгддэг ба их гарз хохирол учруулдаг гэнэ. Иймээс цэнхэр, хар өнгийн дээвэр хийхгүй байх нь чухал. Дээвэрт тохиромжтой хамгийн сайн өнгө бол бор ба улаан өнгө юм.

Пирамид дээвэр
Энэ дээвэр нь маш хүчтэй бөгөөд гайхамшигтай инь энергитэй байдаг. Энэ нь музей болон бусад инь энерги шаардагдах газар ээлтэй. Янг энергитэй газар тохиромжгүй учир контор ба дэлгүүрийн төвүүд мэтийн газарт гарз болон өвчин авчирдаг байна. Гурвалжин хэлбэрийн дээвэр нь борооны усыг доош нь шувтардаг учир гэр орныг хамгаалахад сайн гэж үздэг.

Шатаа ээлтэй болго
Шат нь сайн энергийг өөд нь урсгах чадалтай байдаг тул үргэлж тод гэрэлтүүлэгтэй байлгах хэрэгтэй.
Хана дагуу ээлтэй зураг өлгөж, шат нарийн бол ханын дагуу толь тавьж өргөсгөвөл сайн энергийг дээш нь урсгана. Мөн тогосны өдтэй ваар байрлуулбал аэ хийморь дээш урсах боломжтой болно.
Шат хатуу, ямар ч зай завсаргүй, нүхгүй байвал гэр бүлийн мөнгө гадагш урсахгүй байхыг баталгаажуулдаг байна. Хэрэв зай нүхтэй бол модоор халхлах ёстой гэнэ.