АНУ-ын бие даасан байгаль орчны бvлэг агаарын хамгийн их бохирдолтой газруудын жагсаалтыг гаргажээ. “Блэксмит” хvрээлэнгээс гаргасан уг жагсаалтад Орос болон хуучин ЗХУ-ын бvрэлдэхvvнд байсан газар, Хятад, Энэтхэг зэрэг улс багтжээ. Тэдний явуулсан судалгаагаар хими, металлын болон уурхайн байгууламжуудын гаргасан агаарын бохирдлоос 12 сая хvн хортой орчинд амьдарч байгаа аж. Vvнээс vvдэн архаг өвчин болон төрөхийн хvндрэл газар авч байгааг ч дурджээ. Анх 2006 оноос эхлэн жил бvр судалгаа явуулдаг болсон юм байна.

Жагсаалтыг цагаан толгойн vсгийн дарааллаар гаргажээ. Энэ жил шинээр жагсаалтад багтсан газруудын нэг болох Хятадын Тянь Жин хотын 140 мянган хvн хортой нөхцөлд амьдарч байгаа аж. Учир нь, тус хот нь vйлдвэрийн том нөөц газар юм. Мөн уг жагсаалтад Энэтхэгийн Сукинда хот багтсан байна.Тус хотод байгаль орчны хяналтгvйгээр 12 уурхай vйл ажиллагаа явуулдаг. Эдгээр уурхай хотын цэвэр усны нөөцөд аюултай, химийн хорт бодис хийдэг байна. Азербайжаны Сумгайт хот мөн багтсан нь хуучин Зөвлөлт засаглалын аж vйлдвэрийн баазуудын хор уршиг одоо хэр нь арилаагvй байгааг харуулж байна. Тус газар нутгийн агаар химийн болон хvнд металлын vйлдвэрvvдээс болж ихээр бохирдож байгаа аж. Сумгайт хотын хорт хавдрын өвчлөлтийн хэмжээ улсыхаа дунджаас 51 хувиар өндөр байна. Мөн генийн болон төрөлтийн гажиг нэн их гардаг байна.

“Блэксмит” хvрээлэнгийн захирал Ричард Фvллер хэлэхдээ “ Хамгийн сэтгэл зовоож байгаа зvйл бол бодит байдал дээр агаарын бохирдол ихтэй газруудад хvvхдvvд өвдөж, олноор нас барж байна. Энэ жил хэвлэл мэдээллийн хэрэгслvvд агаарын бохирдолд илvv анхаарч байсан хэдий ч vvний эсрэг хөтөлбөр болон хөрөнгө оруулалт маш бага байлаа. Бид агаарын бохирдлын эсрэг дорвитой арга хэмжээ авууштай тэмцэх хэрэгтэй” гэжээ.

1. Азербаджаны Сумгайт хот

2. Хятадын Линфен

3. Хятадын Тянь Жин

4. Энэтхэгийн Сукинда

5. Энэтхэгийн Вапи

6. Перугийн Ла Ороя

7. Оросын Жержинск

8. Оросын Норилск

9. Украйны Чернобыль

10. Замбийн Кабве