Өнгөрсөн хавраас барилгын гол тvvхий эд болох цементийн vнэ огцом өсч барилгын компаниудыг нэлээд сандаргаад авсан.Манай улсын хувьд барилга байгууламж, бvтээн байгуулалтын ажил улирлын чанартай байдаг. Тухайн жилд төлөвлөсөн томоохон бvтээн байгуулалтын ажлыг зун, намрын урин дулаанд л амжуулахын төлөө чармайн ажиллах шаардлагатай болдог. Vvнийг дагаад л цементийн vнэ өсдөг гэж албаны хvмvvс тайлбарлаж байгаа. Нөгөөтэйгvvр энэ жилийг хөрөнгө оруулалт, бvтээн байгуулалтын жил болгон зарласантай холбогдуулан Замын-Vvдийн шалган нэвтрvvлэх боомтоор ноднингийн мөн vеийнхээс өдөрт гурав дахин илvv ачаа орж ирж байгаа.

Энэ ачааг нэвтрvvлэх,тээх хvч хvрэхгvй байгаагаас Замын-Vvдийн боомт дээр ачаа саатах, бөөгнөрөх зэрэг хvндрэлvvд гарах болсон. Энэ ачааны ихэнх нь Засгийн газрын бvтээн байгуулалтын ажлын тендерт шалгарсан компаниудын эрчим хvч, барилга угсралтын ачаа бараа, эд анги болон цемент байжээ. Vvнээс vvдээд л бvтээн байгуулалтын зарим ажлын явц цаг хугацааны хувьд сунжирч цементийн vнэ бараг хоёр дахин өссөн байна. Барилгын салбарынхны ярьж бгйгаагаар цементийн vнийн өсөлтийг хомсдолтой холбон тайлбарлаж болохгvй.

Харин Замын-Vvдийн шалган нэвтрvvлэх боомтын ачаалал хэтэрснээс боомт дээр хэт бөөгнөрөл бий болж vvнийг далимдуулан хэсэг бvлэг хvмvvс vнийн хөөрөгдөл явуулсан хэмээн ярьж байгаа. Өөрөөр хэлбэл, Замын-Vvд дээр ачаа саатсаныг далимдуулаад цементийн vнийг огцом өсгөчихөж. Монголд цементийн хомсдол vvслээ гэсэн буруу мессеж авсан наймаачид ч бөөн бөөн мөнгө халааслаад урд хөршийг зорьж Замын-Vvдийн хахчихсан ачаан дээр бас л баахан цемент нэмчихсэн юм байх. Цементийн энэ урсгал одоо ч тасрахгvй vргэлжилсээр байгаа бөгөөд Улаанбаатар хотын гаалийн агуулахууд ч цементээр дvvрч одоо бvр эзэд нь авч дийлэхгvй удаж хаа сайгvй хөглөрч байгаа гэнэ.

Ингээд Замын-Vvд ч Улаанбаатарт ч бvх сав цементээр дvvрчихсэн юм байх. Цементийн хомсдол vvсээгvй гэдэг нь ч vнэний ортой л яриа. Учир нь Хөтөл, Эрэл гээд цемент шохойн томоохон vйлдвэрvvд эх орны цементийн чамгvй хувийг хангаж байгаа болохоор энэ тал дээр юу юуны туханд хvрэлгvй сөхөрчихнө гэж байхгvй л болов уу. Өнөөдрийн байдлаар Замын-Vvд боомт дээр саатаж байгаа ачааны бараг 80-аад хувь нь цемент байгаа юм.
Монголын зах зээл цементээр хахчихсан, дээр нь өвлийн бэлтгэл гээд ачааны гал тэргийн хомсдолтой байгаагаас энэ боомт дээр цемент наад зах нь 13-15 хоног саатаж байгаа. Тэгэхээр одоо цементийн хомсдол vvслээ гэсэн буруу мэдээлэлд автаж урд хөршөөс вагон вагоноор нь цемент дарсан наймаачид хэдэн бор төгрөгөөрөө шатаж цементийн vнэ эргээд хуучин ханшиндаа буух л vлдэж.

Тэгээд ч улирлын чанартай бvтээн байгуулалтын ажил ерөнхийдөө дуусч байгаа учраас цементийн хэрэглээ багассан. Яг vнэндээ бол хятад цементийн vнэ нэг дахин нэмэгдэж байхад Хөтөл, Эрэл зэрэг vндэсний томоохон vйлдвэрлэгчдийн цемент ханш нь нэг их өсөөгvй байсан.

Замын-Vvд боомт дээр өнөөдөр цагийн байдал яг ямар байгаа талаар одоо өгvvлье. Өнөөдөр БНХАУ-аас ерөнхийдөө хоёр замаар ачаа орж ирдэг шзд Ьолно. Эхнийх нь Нарийн царигийн төмөр зам буюу Хятадын төмөр замаар Замын-Vvд хvртэл тээвэрлэгдэж ирсэн ачааг өргөн царигийн төмөр зам буюу Монголын вагонд шилжvvлэн ачдаг.

Энэ ажлыг Замын-Vvд боомт дахь Төмөр замын Ачих буулгах анги гардан гvйцэтгэдэг. Энэ ангийнхны ярьж байгаагаар төмөр замаар нэвтэрч байгаа ачааны дийлэнх хэсгийг цемент эзэлдэг ажээ. БНХАУ-аас ачаа орж ирж байгаа бас нэг зам бол Эрээн-Замын-Vvдийн хооронд ачаа тээвэрлэдэг 60-120 тоннын даацтай ачааны автомашинууд юм.

Тэд Эрээнээс авч ирсэн ачаагаа өргөн царигийн төмөр зам буюу Монголын вагонд ачуулдаг. Энэ ажлыг бас л Замын-Vvдийн ачих буулгах анги гvйцэтгэдэг бөгөөд гол ачаа нь мөнөөх л цемент байдаг ажээ. Замын-Vvд дээр ачаа саатах бас нэгэн шалтгаан бол заавал Хятадын вагоноос Монголын вагонд ачаа шилжvvлэн ачдаг явдал юм.

Иймээс Замын Vvдийнхэн ачих буулгах ангийнхаа хvчин чадлыг сайжруулах тал дээр ч нэлээд анхаарал тавьж байгаа гэнэ. Энэ бvх шалтгааны эцэст нэг тонн цемент эргээд 70-90 мянган төгрөгийн ханштай болж тогтворжих цаг мөдхөн бололтой.