Ханын дулаалга

Barilga
2019-11-05

Ханын дулаалга

Барилгын угсралт, засварын ажлын явцад дулаалга, уур ус тусгаарлагчийг яг зураг, зааврын дагуу хийж байгааг сайн хянаж, зай завсар гаргасан эсэхийг алхам бүрд шалгаж байх нь зүйтэй. Ашиглалтын явцад чийгшилтээс болж барилгын бүтээцэд овойлт, суулт гарч ан, цав үүсэн дулаан алдаж буй эсэхийг жилдээ 2 удаа (өвөл, зундаа) шалгаж байх хэрэгтэй. Шалгахдаа чийг хэмжигч багаж, мөн Blower-dоог гэдэг агаар сэлгэлтийн давтамжийг тодорхойлдог багажийг тус тус ашиглавал илүү үр дүнтэй болно. Дулааны хэмнэлттэй барилгад зөв төлөвлөсөн зургийн дагуу яг технологийн горимыг мөрдөж барилга угсралтын ажлыг хийх нь нэн чухал бөгөөд чанарын шалгалтыг угсралтын ажлын үе шатаар явуулж байх нь зүйтэй. Мөн хуучин барилгыг зөв дулаалж, засварлах нь эдийн засгийн болоод эрүүл мэндийн хувьд ашигтай байх нь ойлгомжтой билээ.
Дулааныг хэр хэмнэх нь барилгын ханын зузаан, дулаан тусгаарлах чанараас шалтгаалах бөгөөд уламжлагдан ирсэн тоосгон ханын дулаан тусгаарлалт бага, хана өрөх хөдөлмөр болон материал зарцуулалт ихтэй, мөн газар хөдлөлтөнд тэсвэргүй бөгөөд өртөг нь тийм ч хямд биш. Иймд орчин үед төмөр бетон каракас цутгаж нимгэн хана өрж, түүнийгээ дулаалгын материалаар дулаалах нь илүү үр дүнтэй байгаа билээ. Одоо дулаалгын угсралтын талаар голчлон авч үзье.

Тоосгон хананд хөөсөнцөр дулаалга хийх. (Зураг 1)
1. Хөөсөнцөр, шавардлагын хуванцар тор, цавуутай зуурмаг хэрэглэгдэнэ.
2. Ханын ерөнхий байдал.
3. зэвэрдэггүй ган суурь суулгана. Үүний оронд савх мод ашиглаж болно.
4. Хөөсөнцөр хавтандаа цавуутай зуурмагаа түрхэж ханын өрлөгт наана.
5. Мөн хөөсөнцөрөө гадна талаас нь нэмэлт байдлаар баригчтай хадаасаар бэхэлнэ.
6. Хөөсөнцөр хавтан дээрээ цавуутай зуурмагаа жигд түрхээд тороо нааж дараа нь дахин цавуутай зуурмагаа түрхэнэ. Үүний дараа элс цементэн болон бусад төрлийн зуурмагаар гадна өнгөлгөө хийнэ.

Зураг 1

Чулуун болон шавар хавтан өнгөлгөөтэй хана.(Зураг 2)
1.    Чулуун болон шавар хавтан.
2.    ханын ерөнхий байдал.
3.    3-6. Дээр дурдсан ханатай ижил бөгөөд харин тороо цавуутай зуурмаг дээр   бэхэлсэний дараа хавтан наах зориулалтын зуурмаг түрхэж түүн дээрээ хавтангаа наана.

Зураг 2

Хуванцар хавтан өнгөлгөөтэй хана.(Зураг 3)
1. Хуванцар хавтан.
2. Ханын ерөнхий байлал.
3. Хавтан зүсэгч.
4. Хананд тогтоосон савх модны хооронд шилэн болон эрдэс хөвөн дулаалгыг хийж дараа нь савх модондоо хуванцар хавтанг суулгах нимгэн савх модыг бэхэлнэ.
5. Булангийн хэсэгт хөнгөн цагаан булан төмөр хийвэл тохиромжгой.
6. Хавтангуудаа доороос нь дээш нь ам даруулан хадаж бэхэлнэ. Хуванцар хавтан болон дулаалгын үеийн хооронд агаар урсах завсар үүснэ.

Зураг 3

Банзан өнгөлгөөтэй хана. (Зураг 4)
1. Ханын үндсэн хэсэг буюу өрлөгтөө савх модоо дулаалгын материалын өргөнтэйгээр хадаж бэхэлнэ.
2. Савх модоор тусгаарлагдсан хүрээнд дулаалгын материалаа хийж, ханын хуванцар баригчтай хадаасаар бэхэлнэ.
3.-6. Савх моднууд дээрээ банзнуудаа банзны өргөнөөс 2-3 см бага зай үлдээн хадаж дараа нь тэр зайн дээр дараагийн банзыг ам даруулах байдлаар хадна.
б. Ханын банзан өнгөлгөөг дараах хувилбаруудаар хийж болно.
1. Манай оронд сүүлийн үеийн модон хийцийн барилгуудад түгээмэл хэрэглэж байгаа хийц. Углуурган холбоосоор холбогдоно.
2. Налуу хийцтэй. Мөн углуурган холболттой байна.
3. Манай оронд банзан өнгөлгөөнд хамгийн өргөн хэрэглэгддэг хийц.
4. Угсарлтанд аль болох тэгш босоо суурилуулах шаардлагатай. Энгийн хялбар хийц.
Модон өнгөлгөөнд будаг чухал үүрэггэй байдаг. Тиймээс аль болох зориулалтын сайн будгаар будах нь чухал ингэж чадвал мод хэв гажилтанд орохгүй ханын сайн хамгаалах гадаргуу болж өгдөг. Дулаалгын материалыг хуванцар баригчтай хадаасаар бэхлэх шаардлагатай байдаг. Нэн ялангуяа шилэн хөвөн эрдэс хөвөн зэрэг нь зеөлөн тул суулт өгч дээд хэсгээрээ зай завсар гарч доод хэсгээрээ нягтаршдаг. Мөн ханандаа сайтар бэхлэгдэж өгөхөд баригчтай хадаас чухал үүрэг гүйцэтгэдэг.

Зураг 4