Монгол Улсын ШУА-ийн урилгаар ӨАБНУ-ын албаны хүмүүс нүүрс шингэрүүлэх, цахилгаан станцын хаягдал үнснээр нэмүү өртөг шингэсэн бүтээгдэхүүн үйлдвэрлэх чиглэлээр хамтран ажиллах, санал солилцох олон улсын хурлыг энэ сарын 16-нд зохион байгуулсан тухай бид өмнө мэдээлсэн. Энэ хурлаас гарсан зөвшилцлийн дүнд ШУА болон ӨАБНУ-ын Шинжлэх ухаан үйлдвэрлэлийн судалгааны зөвлөл, Эрдэс судалгааны байгууллагууд хамтын ажиллагааны санамж бичигт өчигдөр гарын үсэг зурлаа. ШУА-ийн Хими, Хими-Технологийн хүрээлэнгийн академич Ж.Тэмүүжингээс зарим зүйлийг тодруулав.

-Хамтын ажиллагааны санамж бичигт цахилгаан станцын хаягдал үнсийг боловсруулж, нэмүү өртөг шингэсэн бүтээгдэхүүн үйлдвэрлэх, нүүрс боловсруулах чиглэлээр ажиллахаар боллоо. Нүүрс шатаан эрчим хүч үйлдвэрлэх, шингэрүүлэх явцад үнс их хэмжээгэр ялгардаг. Тэдгээрийг боловсруулж, цемент, тоосго, бетон хийц гаргах боломжтой. Энэ талын судалгааг манай ШУА хийж байгаа. Үүн дээр хэрхэн хамтран ажиллах, туршлага солилцох, ямар шинэ боломж байгааг хурлын үеэр зөвшилцсөн тул барилгын материал үйлдвэрлэх чиглэлээр ӨАБНУ-ын дээрх байгууллагуудтай хамтран ажиллахаар боллоо.

-Гэр хорооллос маш их үнс гардаг. Үүнийг боловсруулж, бүтээгдэхүүн үйлдэрлэх бо ломж бий юу?

-Гэр хорооллын зуухны нүүрс харьцангуй бага температурт шатдаг тул тэндээс гарсан хаягдал үнсээр бүтээгдэхүүн үйл дэрлэх боломжгүй. Цахилгаан станцаас гарсан үнсэнд шавар болон шатдаггүй хэсэг нь үлддэг. Харин гэр хорооллын үнсэнд гол дуу дутуу шатсан нүүрс байдаг юм. Нөгөө талаас гэр хорооллын үнсийг цуглуулаад боловсруулах менежментийн асуудал маш хүндрэлтэй. Харин цахилгаан станцуудын хувьд их хэмжээгээр үнс гардаг тул түүхий эдээ нэг дороос авч, ашиглах боломжтой.

-Үйлдвэрийг хэзээнээс эхлэн барьж, шингэрүүлсэн хийн түлш гаргах вэ?

-Манай улсад нүүрсийг хийж үүлэх, шингэрүүлэх ажлыг хувийн хэвшлийн аж ахуйн нэгж үүд хийдэг. Тэд ӨАБНУ-ын энэ чиг лэлээр мэргэшсэн байгууллагатай харилцаа тогтоож, үйлдэр байгуулах боломж бүрдлээ. Манай академи эрдэм шинжилгээ, судалгааны ажлыг хамтран хийхээр тогтсон.