Нийслэлийн Төв цэвэрлэх байгууламжийн техник тоног төхөөрөмжийн эвдрэлийн гол буруутан бас хулгайгаар хаяа нэг Туул голын усанд химийн бохирдлоо нийлүүлчихдэг “Харгиа” цэвэрлэх байгууламжийг цаашид ажиллуулсаар байх уу? Тус цэвэрлэх байгууламжийн тоног төхөөрөмжийг шинэчлэх эсвэл арьс ширний үйлдвэрүүдийн бохирдлыг цэвэрлэх шинэ үйлдвэр барих уу гэсэн асуудлыг мэргэжилтэнүүд гаргаж тавиад багагүй хугацаа өнгөрлөө. Энэ талаар нааштай хариу дуулдах боллоо. Чех улсын хөрөнгө оруулалтаар “Харгиа” цэвэрлэх байгууламжид хөрөнгө оруулалт хийх талаар яригдаж байна. Нийслэлийн засаг дарга Ц.Батбаяраас зарим зүйлийг тодрууллаа. 
-Харгиа” цэвэрлэх байгууламжийг  шинэчлэх  талаар Чех улстай нааштай  тохиролцоонд хүрч байгаа юм байна. Энэ талаараа дэлгэрүүлээч?
-“Харгиа”  цэвэрлэх байгууламж үүргээ биелүүлж  чадахгүй байгаа нь Туул голын  бохирдолтонд  их хэмжээгээр  нөлөөлж байна. Тиймээс энэхүү үйлдвэрийг  шинэчлэх  шаардлага гарч байгаа. Өөрөөр хэлбэл  нийслэлд  үйлдвэрүүдийн  бохир усыг  цэвэршүүлдэг шинэ цэвэрлэх  байгууламж хэрэгтэй  байна. Энэ талаар холбогдох  газруудад  санал тависнаар  Чехийн  Засгийн газартай уг асуудлаар  ярилцаж байна. Тэгээд ч тус улсын төлөөлөгчид улаанбаатар хотод  айлчилж газар дээр нь бодит байдалтай  танилцахаар ирлээ. Чехийн төлөөлөгчид техник  эдийн засгийн  төлөвлөгөөгөө  боловсруулж Засгийн газартаа  танилцуулах юм. Тус улсын Засгийн газар цэвэрлэх байгууламжийг  барихад  шаардагдах хөрөнгийг хөнгөлөлтэй  зээлд хамруулах эсвэл буцалтгүй тусламжаар олгох уу гэдгээ шийдэх учиртай.

-Арьс ширний үйлдвэрүүдийн  бохир усыг  цэвэрлэх  байгууламжийг  хаана барих вэ? Одоогийн цэвэрлэх  байгууламжууд  хотын салхин  дээр байрласнаас эвгүй үнэр  үнэртдэг  гэсэн шүүмжлэлийг  байнга дагуулдаг.
-Хотын салхины чиглэлийн доод талд барихаар төлөвлөсөн. Орчин  үеийн технологийн  шаардлагыг  хангасан цэвэрлэх  байгууламж барина.

-Хэзээнээс эхлэх вэ? Нийт өртөг нь хэд бол?
-Ирэх хавраас эхлүүлэхээр  тооцоолоод байна. 30сая ам доллараар баригдах