Хэдхэн хоногийн дараа өвлийн эхэн сар гарна. Улаанбаатар хотын Захирагч Ц.Батбаяр аравдугаар сарын 1 гэхэд бүх зам засварын ажлыг дуусгах үүрэг өгсөн. Шидтэн гарч ирээд, шидэт дохиураар дохихгүй л юм бол зам засварын ажил дуусах хөг өнгөрөв бололтой. Тэгж хэлж байхдаа Захирагч "Өвөл тавьсан зам чанар муутай байдаг. Эрс тэс уур амьсгалтай манай орны нөхцөлд өвөл зам тавих буруу юм билээ" гэж онцолсон. Энэ үнэн. Токиогийн гудамжинд тавьсан зам газар гэсэхэд сууж, энд тэндээ цөмөрсөн. Зун нь дахин шинэ зам барих шахуу юм болсон. Тэгвэл энэ гашуун түүх давтагдаж магадгүй нь.
Төмөрчний гудамжинд тавьж буй зам засвар сүүлийн хэдэн долоо хоног нэг см ч урагшилсангүй. Ажил хийж байгаа хүн ч алга. Ганц энэ замын ажил ийм байна уу гэвэл бас үгүй. Нийслэлд тавьж буй бүх замын ажил сунжирч байна.