Нийгмийн хэрэгцээг дагаад ажил олгогчдын зvгээс санал болгож буй боловсон хvчний нєєцєд "эргэлт" гарчээ.

Нуруулаг, царайлаг 18-25 насны эмэгтэйг ажилд авна гэх санал vеэ єнгєрєєж, уул уурхай, барилгын мэргэшсэн мэргэжилтнvvд vнэд орж эхэлснийг "Мишээл Экспо"-д хоёр єдрийн турш vргэлжилсэн vзэсгэлэн яармаг нэг ёсны тодорхойлоодхов. Гэвч хонх нь дуугарахаар дамар нь таг гэгчээр уул уурхайн салбарт ажиллачих механик инженер, олборлолтын инженер, аюулгvйн инженер, баяжуулалтын инженерийн дипломтой эр ховор аж. Vгvй ядаж, барилгын туслах ажилтан хvртэл тэгтлээ vнэд орохдоо яахав дээ, нээрээ. Ямар мэргэжлийн дипломтой байх ёстой гэсэн шалгуурыг ажил олгогчдын зvгээс тэдэнд тавьж байгаа биш. Ажил олгогчдын ярьснаар бол барилгын туслах ажилтан шавар зуурч дээш, доош зєєж гvйгээд л єдрийн 5000 тєгрєгийн хєлс авах боломжтой. Сvйхээтэй нь бол шавар зуурч гvйх зуураа л єрлєг хийгээд сурчихна.
Итгэл олоод ажлаа сайн хийвэл алсдаа єрлєгчин болж, авдаг цалин ч єснє. Харамсалтай нь, ажил хайж очсон нь "Барилгын туслах ажилтан хийж нуруугаа авахуулсан морь шиг болоод юу хийхэв. Муу сайн хужаа нар тэр ажлыг хийдэг юм байгаа биз" гэж томрох энvvхэнд. Мэргэжилтэй юу гэж асуухад "Байхгvй" хэмээн толгой сэгсрэх атлаа шvv. Нэг ёсны тэд биеийн амар ажлыг л хайж очсон шиг. Ер нь тэгээд зовлогоо зовоохгvй мєнгє олдог ажил хаа байна аа уул нь. За тэгээд орон нутагт ажиллах ёстой гэсэн шалгуурыг харсан хэний ч толгойных нь vс босох шиг л болох юм билээ. Томилолтын мєнгє хэд байх бол гэж бодохоосоо урьтаад "Хєдєє ажиллана гэдэг чинь хонин гvрвэл болно гэсэн vг. Ерєєсєє бvтэхгvй юм байна" гэж ажиллаж vзээгvй атлаа шантрахыг яана. Нэг vгээр хэлбэл, эрчvvдийн зvрх, зориггvй болсныг энэ мэтээр бичээд байвал барагдахгvй л дээ. Тэтэл Цайрт минерал ХХК-нд механик инженер, олборлолтын инженер, геологийн инженер, єргєх машины инженер, аюулгvйн инженер, баяжуулалтын инженер зэрэг 20 шахам ажлын байр эзнээ хvлээж байх жишээтэй. Мэргэжлийн дипломыг нь євєртєлсєн бол би лав хувьдаа хєдєє хєхрєхєєс зvрхшээхгvй ажиллах л байлаа.
Даанч тэс єєр мэргэжилтэй юмдаа. Тvvнчлэн Жи-И-И ХХК-ийнхан уул уурхай, барилгын салбарт ажиллах мэргэжилтнийг ажилд зуучлахад бэлэн шvv гэсэн зарыг ч єлгєсєн харагдах. Тус компани уул уурхайн компанитай хамтран ажилладаг бєгєєд хєдєлмєр зуучлалын албанд нь дараах мэргэжилтэн хэрэгцээтэй байгаа юм. Vvнд: англи, хятад хэлний орчуулагч, хvний нєєцийн мэргэжилтэн, тээвэр зохицуулагч, геологич, барилгын инженер, техникч, барилгын хийцийн инженер, механик инженер, цахилгааны инженер, автомажуулалтын инженер, сантехникийн инженер, агааржуулалтын инженер, техникч, халаалтын инженер, барилгын даамал, бетон арматурчин, кранчин, хvнд механизмын оператор, хvнд даацын єєрєє буулгагчийн оператор, том оврын автобусны жолооч гэх мэт.
40 мянган айл орон сууц хєтєлбєрийн хvрээнд "China Cosntruction-Mongol" компанид ч мєн туслах ажилтнаас эхлээд барилгын инженер хvртэл хэрэгтэй. Нийслэлийн Засаг даргын захирамжаар байгуулагдсан Хєдєлмєрийн биржид ирсэн ажлын байрны захиалгыг сонирхвол барилгын туслах ажилтны хэрэгцээ мєн л байна билээ. Аягvй бол тvvнд харчууд зvрхшээгээд бvртгvvлэхгvй юм байгаа биз.Хамгийн бахархмаар нь хаа очиж, бvсгvйчvуд маань ажил голдоггvй гэсэн шvv. "Мэргэжлийн vнэмлэхгvйгээс л биш, муу эгч нь хоол ч хийнэ. Vс ч засна" гээд л ажилд орохын тvvс болсон хvн хєдєлмєрийн биржид бvртгvvлдэг болсоор удсан гэж байгаа. Эмэгтэйчvvд ээ гэж...
Монголын Хєдєлмєрчин залуучуудын холбоо, нийслэлийн засаг даргын Тамгын газар, Vйлдвэр худалдааны яам, Нийгмийн хамгаалал хєдєлмєрийн яам хамтран дээрх vзэсгэлэн яармагийг зохион байгуулсан юм. Vзэсгэлэн яармагийг зохион байгуулагчдын тэмдэглэснээр "Хєрєнгє оруулагчдын хєдєлмєрийн зах зээл дэх оролцоо" vзэсгэлэнд нийт 1000 гаруй ажлын байрны захиалга ирсэн гэсэн шvv. Цаашид тэр бvх ажлын байрны захиалгыг интернэтэд байршуулан хэрэгцээт мэргэжлээр нь зуучлах ажлыг зохион байгуулагчид vргэлжлvvлэх юм билээ.