Хана, тааз будах

Barilga
2019-11-05

Хана, тааз будах

Өрөөний доторх оптикийн байдлыг харгалзан ханын өнгийг өөрчлөх боломжтой. Жишээ нь: цайвар цэнхэр өнгө нь өрөөг цэлгэр саруул болгодог бол том танхимийн ханыг бараавтар эсвэл хүрэн, улбар шар өнгөөр будахад тохилог, дулаахан бөгөөд жижигхэн харагдуулдаг. Ийм тохиолдолд ханын дээд хэсгийг ижил өнгөөр нь будвал бүр намхан юм шиг болчихно. Иймд ханын дээд, доод хэсгийг өөр өнгөөр будах нөхцөлд өрөөний нийт талбай, харагдах байдлыг харгалзан үзэх хэрэгтэй.

Будахын өмнө өрөөний жижиг тавилгыг зөөж, овор ихтэйг нь полиэтилен/гялгар уут/-р бүтээнэ. Залгуурын тагийг авбал зохимжтой. Хүрээ модыг скочдож, ханыг шороо тоосноос цэвэрлэнэ. Тосон будагын үлдэц үлдсэн бол хусаж арилгах хэрэгтэй. Хэрэв хана нь ховхорч эмтэрсэн бол шавардаж, гүний грунтаар суурь тавина. Ханын гадаргууг бэлтгэж шингэлсэн будгаар урьдчилж будан, грунт үе тавьж болно.

Өнхрүүшийг будганд дүрж, торон дээр хэд хэдэн удаа өнхрүүлснээр будаг өнхрүүшд жигд уусч тархдаг.

Таазыг ирмэг булангаас нь эхэлж хавтгай багсаар будна. Багсыг таазны ирмэгт арай хүргэлгүй түрхэж, дараа нь багс гүйхэд хөнгөн болсны дараа ирмэгээ гаргаж будна. Дараа нь өнхрүүшдэж будна. Эхний будсан ирмэгийн будаг өнхрүүшдэх үед хатсан байж болохгүй.

Ханыг эхлэн хөндлөн эсвэл диагональдах байдлаар будна. Будаг цоохортсон хэсгийг өнхрүүшдэж арилгана.

Өнхрүүшийг будагтай нь хэсэг хугацаанд орхихоор шийдсэн бол савны таган дээр тавьж орхиж болно. Удаан хугацаанд завсарлах бол гялгар уутанд хийж хадгалвал хатахгүй.

Дисперсийн будаг

Орчин үед ханын будаганд дисперсийн будагийг хэрэглэж байна. Энэ будаг нь ихэвчлэн цагаан байдаг бөгөөд пигменттэй хольж шинэ өнгө гаргаж авдаг. Гарган авсан өнгө бүхий будгийг ханан дээр түрхэж, хатсаны дараа нь шалгаж үздэг.
Ламекс будаг нь мөн дисперсийн будгийн нэг төрөл бөгөөд илүү нарийн ширхэгтэй учир гялалзаж харагддаг.
Өнгөгүй дисперсийн будгийг усанд тэсвэргүй обойг хамгаалахад ашиглаж болно. Дисперсийн будгийг шүршиж болох бөгөөд тоосонцороос хамгаалах хэрэгсэл зүүх хэрэгтэй.