“Fenestration China 2012”  үзэсгэлэн яармаг 2012 оны 11 сарын 23-наас 25-ны өдрүүдэд болж Бээжин хотод болж, нийт 426 компани оролцож, төрөл бүрийн шилэн фасад, PVC, хөнгөн цагаан, модон вакум хаалга цонх болон тоног төхөөрөмжийг танилцуулж байлаа.

Үзэсгэлэн яармагт “Орчин үеийн шилэн фасад, ханын хийцын концепц”, “Эрчим хүчний хэмнэлттэй цонхны өнгөрсөн, одоо, ирээдүй”, “Галын хамгаалалттай хананы технологи” , “Амьдралын тав тухтай хөнгөн цагаан хийцтэй цонх” зэрэг олон сонирхолтой сургалт семинар болж, төрөл бүрийн шоу арга хэмжээнүүд боллоо. Мөн Хятадын барилгын судалгааны академи, барилгын шинжлэх ухааны судалгааны институт,  Германы Баутек технологийн төв болон Schuco, VEKA зэрэг компаниудын төлөөлөгчид сонирхолтой илтгэл тавьж оролцлоо.

“Fenestration China 2012”  үзэсгэлэн яармаг дэлхийд алдартай Roto, Schuco, Wegoma, Koemmerling, Basf, Soudal зэрэг брэндүүд бүтээгдэхүүнээ танилцуулан орчин үеийн шилэн фасад, дулуулга, вакуман цонхны шинэ технологийн дэвшлийг үзүүлж, бизнес эрхлэгчдийн уулзалтууд болж, тэдний хамтын ажиллагааг өрнүүлсэн томоохон арга хэмжээ болж байна.

Монголоос олон зочид үзэсгэлэн яармагыг үзэж  байсан бөгөөд Монголын Цонхны Үйлдвэрлэгчдийн Холбооныхон олуулаа ирсэн байлаа. Тэд үзэж судалсан бүхнээ Монголдоо дэлгэрүүлнэ гэдэгт итгэлтэй байна.