Ахмад дайчид, цэргийн байгууллагад ажиллаж байгаад тэтгэвэртээ гарсан ахмад настны орон сууц нийгмийн хамгаалын асуудлаар Ерөнхийлөгчөөс Засгийн газарт хандан санал ирүүлсний дагуу Ерөнхий сайд ахмад дайчдыг орон сууцжуулах талаар санал боловсруулан, Засгийн газарт танилцуулахыг БХБ-ын сайдад даалгасан юм. Уг асуудлыг БХБЯ-наас Засгийн газрын төслийн хуралдаанаар хэлэлцүүлсэн байна.Уг хуралдаанаар Нийслэлийн засаг даргын 2007 оны төсвийн багцад тусгагдсан ахмадууд болон төрийн албан хаагчдад зориулан орон сууц барих зориулалттай нэг тэрбум төгрөгийн хөрөнгөнөөс урьд нь улсаас орон сууц авч байгаагүй ахмад дайчдад тусламж олгох ажлыг энэ онд багтаан зохион байгуулах ажлыг Нийслэлийн засаг даргад, ахмад дайчдыг дайчдыг орон сууцжуулахад шаардагдах хөрөнгийн эх үүсвэрийн тодорхой хэсгийг жил бүр улсын болон орон нутгийн төсөв, бусад эх үүсвэрээс шийдвэрлэж байхыг Сангийн сайд, БХБ-ын сайд аймаг, нийслэлийн засаг дарга нарт тус тус даалгасан байна