Зурвас бичих
Messenger
Залгах
- Barilga
- 2019-11-05
Цонхон дээрхи амьд зураг
Данийн нийслэл дэхь Лунд их сургуулийг төгссөн дизайнер Софи Коллин нас залуу хэдий ч Nike, Ikea, Tetra Pak, NASA зэргийн нэр нөлөө бүхий байгууллагуудтай амжилттай хамтран ажиллаж байгаа бөгөөд түүний одоогийн байдлаар бүтээгээд буй сүүлийн ажил нь цонхон дээрхи амьд зураг болж байгаа ажээ.
Энэ “амьд зураг” нь цонхны чимэглэл болохын зэрэгцээ шувуунд тэжээл өгөх савны үүрэг гүйцэтгэнэ. Зохион бүтээгчийн уриа нь харин, “шувууд болоод хүмүүст аз жаргалыг бэлэглэх явдал”. Түүний гаргасан санаа дээрхи зурган дээр гоёмсог дүрслэгдсэн байгаа биз.
Мөн энэ зун түүний Густав Ланберг хэмээх дизайнертай хамтран зохион бүтээсэн сэрүүлэгтэй хивсэн цаг нь нилээдгүй шуугиан дэгдээсэн байна. Энд хивсэнцэрийн голд байрлах шингэн талст дэлгэц цагны үүрэг гүйцэтгэнэ. Сэрүүлэгийг орны өмнө дэвсэх бяцхан хивсэнцэрийн дотор байрлуулах ба түүнийг унтраахын тулд зүгээр л дээр нь гишгэхэд болно, өөрөөр хэлбэл, ядаж л орноосоо босох хэрэгтэй болно гэсэн үг. Дөнгөж төслийн хэмжээнд судлагдаж байгаа энэ бүтээл амьдралд хэрэглэгдэх цаг ойрхон байгаасай хэмээн найдья
Бэлтгэсэн Э.Алтангэрэл