Төв аймгийн Хөшигийн хөндийд олон улсын нисэх онгоцны буудал барих төслийг Япон улсын Засгийн газрын хөнгөлөлттэй зээлийн хөрөнгөөр хэрэгжvvлэх тухай асуудлыг Сангийн сайд Н.Баяртсайхан хуралдаанд танилцууллаа.

Хөшигийн хөндийд олон улсын шинэ нисэх буудал барих төслийг Монгол Улсын Ерөнхий сайд М.Энхболд 2006 оны гуравдугаар сард Япон улсад албан ёсны айлчлал хийх vедээ анх тус улсын Засгийн газарт хvсэлт болгосон билээ. Харин уг төслийг Япон улсын Засгийн газрын хөнгөлөлттэй зээлийн хөрөнгөөр хэрэгжvvлэх тухай албан ёсны хvсэлтийг Монгол Улсын Засгийн газар 2006 оны зургадугаар сарын 28-ны өдөр Япон улсын Засгийн газарт тавьсан болно. Япон улсын Засгийн газар энэ асуудалд нааштай хандаж байгаа бөгөөд Японы олон улсын хамтын ажиллагааны банкны судалгааны хэсэг Улаанбаатар хотноо ажиллаж 2007 оны гуравдугаар сард судалгааны ажлын дvгнэх тайланг гаргаж Монгол Улсын холбогдох байгууллагад танилцуулжээ.

Шинэ нисэх буудал нь “Чингэс хаан” олон улсын нисэх онгоцны буудлын хvчин чадлаас дөрөв дахин их, долоон терминалтай, жилд 1.7 сая зорчигч хvлээн авах боломжтой байх бөгөөд 2007 онд судалгааны ажил, 2008 онд зээлийн хэлэлцээр байгуулах, 2009-2010 онд тендер зарлаж барилгын гvйцэтгэгчийг сонгоод 2015 онд ашиглалтад орно гэж төлөвлөж байгаа юм байна.