2007 оноос эхлэн мөрдөгдсөн хувь хүний орлогын албан татварын хуулийн 16.1.12-т "Хувь хүн өөрийн орлого болон банк, санхүүгийн байгууллагаас авсан зээлийн хөрөнгөөр амьдран суух зориулалтаар анх удаа хувьдаа орон сууцны барилга барих, эсхүл худалдан авахад зарцуулсан 30.0 сая төгрөгөөс дээшгүй хэмжээний хөрөнгөтэй тэнцэх орлогыг албан татвараас чөлөөлөх"-өөр заасан.
Иймд үл хөдлөх хөрөнгө худалдан авч байгаа хувь хүн үл хөдлөх хөрөнгөө худалдаж байгаа хувь хүнээс үл хөдлөх хөрөнгөө худалдсан /зарсан/ нийт үнийн дүнгийн 2 хувиар үл хөдлөх хөрөнгө худалдан борлуулсны албан татвар төлүүлж, албан татвар төлсөн санхүүгийн баримтын нэг хувийг өөртөө авч үлдэхийг анхааруулж байна.
Үл хөдлөх хөрөнгө худалдан борлуулсны орлогоос татварын хуулийн дагуу төлж байгаа хоёр хувийн албан татварын дүнгээс таны албан татварын хөнгөлөлт эдлэх орлогын хэмжээ хамаарах тул та бүхэн татвараа үнэн зөв тооцож төлсөн байх шаардлагатай.
Амьдран суух зориулалтаар орон сууц худалдан авсан хувь хүн дээрх албан татварын чөлөөлөлтийг 2008 оны хоёрдугаар сарын 15-ны өдрийн дотор эдлэх эрхтэй.