“Эмээлцэгийн гол” ХХК-ийн ерөнхий захирал Ш.Должинсүрэн:

Барилгын тоног төхөөрөмжийг баталгаатай, мэргэшсэн газраар дамжуулж авбал эрсдэл багатай Монголын барилгын үйлдвэрлэлийн салбарт өөрийн гэсэн орон зайг эзлэн, улс орныхоо хөгжилд бодит хувь нэмэр оруулж байгаа шилдэг гүйцэтгэгч байгууллагын нэг  “Эмээлцэгийн гол” ХХК-ийн ерөнхий захирал Ш.Должинсүрэнтэй ярилцлаа.

-Та эхэлж буй 2012 оныг хэрхэн төсөөлж байна вэ?

-Юуны өмнө барилгын салбарынхан болон бидэнтэй хамтран ажилладаг нийт харилцагчиддаа шинэ оны мэнд дэвшүүлье. Аз хийморь, амжилт бүтээлээр дүүрэн он гарч байна. Мэдээж 2012 оныг өөдрөгөөр төсөөлж байгаа. Ялангуяа, манай компанийн хувьд өсөж дэвжсэн, үйл ажиллагаа маань улам өргөжсөн, их бүтээн байгуулалтын жил байх болно. Хоёр оны зааг дээр манай компанийн барилгын ерөнхий инженер С.Элдэв-Очир Хөдөлмөрийн хүндэт медаль хүртэж баяр дээр баяр нэмлээ.

-Компанийнхаа талаар танилцуулахгүй юу.

-Манай компани үндсэн гурван чиглэлээр үйл ажиллагаа явуулдаг. Барилгын гадна засал чимэглэлийн ажлыг чанарын өндөр түвшинд хийж гүйцэтгэж байна. Мөн барилгын бүх төрлийн тоног төхөөрөмжийн худалдаа зуучлалыг эрхлэн явуулдаг. Үүний зэрэгцээ барилгын мэргэжлийн орчуулгын товчоо ажиллуулж байна. 2005 оноос хойш нийт 50 орчим барилгын гадна заслыг хийж гүйцэтгэсэн. Барилгын гадна засал нь тухайн байгууламжийн өнгө төрх төдийгүй нийслэл хотын үзэмжинд ч чухал нөлөө үзүүлж байдаг. Тиймээс мэргэжлийн компанийг сонгож хийлгэх хэрэгтэй. Мөн бид БНХАУ-ын барилгын тоног төхөөрөмж, кран үйлдвэрлэлийн “Хөншөн” гуруппын Монгол дахь албан ёсны дистрибьютер болсон. Төрөл бүрийн цамхагт кран, бетон зуурмагийн үйлдвэр, бетон шахагч зуурмагийн узель, ажлын лифт зэрэг тоног төхөөрөмжүүдийг Монголын зах зээлд нийлүүлж байна. Мөн БНХАУ-ын “Бэнжан” компанийн албан ёсны төлөөлөгч. Хөнгөн блокны тоног төхөөрөмжийг Монголын зах зээлд нийлүүлдэг. Захиалсан тоног төхөөрөмжийн гэрчилгээ, сертификат холбогдох заавар зөвлөмжийг монгол хэл дээр авах боломжийг бид олгодог. Бидний бас нэг давуу тал нь барилгын үйлдвэрлэл, тоног төхөөрмжийн худалдаа зуучлалын зэрэгцээ дэргэдээ орчуулгын товчоо ажиллуулдаг. Англи, монгол, хятад гурван хэл дээр гэрээг орчуулахаас гадна ямар бүтээгдэхүүн, техник,  технологийг хэдий хугацаанд хил гаалиар оруулж ирэх, үүний тулд татварын ямар хөнгөлөлт эдлэх боломжтой зэргийг зөвлөж зуучилдаг. Манайхан өөрсдөө мэддэггүй их олон боломж байдаг. Нэг кран оруулж ирэхэд ашиглалт, зааварчилгааны бүхэл бүтэн ном дагалдаж ирдэг. Түүнийг нь ашиглалтын түвшинд орчуулж, мэргэжлийн хяналтын байгууллагад тоног төхөөрөмжийг үзүүлж ажиллуулахад бэлэн болгож өгдөг. Тоног төхөөрөмж угсралтын компаниудтай нь холбоод хамтын гэрээ хийхэд нь туслана. Хөнгөн блокны болон барилгын тоног төхөөрөмж өндөр үнэтэй байдаг. Тэр хэрээр эрсдэл өндөртэй. Үнэтэй авсан тоног төхөөрөмжөө хэрхэн яаж удаан ашиглах, хаанаас, хэнээс худалдаж авах эргээд баталгаат хугацаа нь ямар байх, хэр найдвартай вэ гэхчилэн худалдан авагч их олон зүйлд санаа зовох хэрэгтэй болдог. Энэ бүхнийг шийдсэн найдвартай, шуурхай, цогц үйлчилгээг бид нэг дор үзүүлж байна.                                                                                                      

- Барилгын дотор талыг цөөн хүн хардаг. Харин гаднаас нь  мянга мянган хүн харж байдаг болохоор шинэ барилга хот орчноо өөд татсан сайхан загвар хийцтэй, өнгө зүс сайтай байх ёстой гэж боддог юм.

-Барилгын компаниуд гадна засал чимэглэлийн ажилд мэргэжлийн компани сонгож ажиллуулах нь олон давуу талтай. Энэ ажил өөрөө их онцлогтой. Ердийн нөхцлөөс арай өөр шаардлага тавигддаг. Хөдөлмөрийн аюулгүй ажиллагааг дээд зэргээр хангасан байх ёстой. Мэргэжлийн компани хөдөлмөр хамгаалал, аюулгүй ажиллагааг илүү анхаарсан байдаг. Дээр нь тоног төхөөрөмж сайтай байх хэрэгтэй. Илүү найдвартай гэсэн үг. Ажлын гүйцэтгэл, эцсийн үр дүн, хариуцлага хүлээх чадвар, дадлага туршлага гээд их олон давуу тал бидэнд бий. Манай компани “Хос цалиг” ХХК-тай хамтран ажилладаг. Гэрээлэгч, захиалагч байгууллагуудад бид хамтын санал тавьж ажиллаж байгаа. Барилга угсралтын компаниудад зөв сонголт хийхэд нь хамтран туслаж технологийн дагуу, мэргэжлийн түвшинд чанартай ажил хийж хамтын хариуцлага хүлээх цогц үйлчилгээг санал болгодгоороо онцлогтой. “Хос цалиг” компани Америк технологиор барилгын гадна, дотор эмульсэн будаг Монголдоо үйлдвэрлэдэг. Энэхүү Excellent эмульс нь чанар, стандартын хувьд үнэхээр давуу, 1162 өнгөний сонголтыг кодоор гаргадаг. Манай хоёр компани шинэ технологи, хамгийн хямд үнэ баталгаат чанарыг санал болгодог. Америк эмульс тээврийн зардлаасаа болоод их үнэтэй байдаг. Харин америк стандартын эмульсийг Монголдоо үйлдвэрлээд хэрэглэгчиддээ илүү хямд үнээр нийлүүлдэг. Excellent-ийг үйлдвэрлэж эхлэхээс өмнө Солонгос, Орос, Америк, Польш зэрэг орны эмульс хэрэглэж үзсэн. Монголын нөхцөлд хамгийн тохиромжтой, үнэ хямд, хэрэглэхэд тохиромжтой, ямар ч өнгийг сайн гаргаж чаддагаараа Excellent шилдэг нь юм. Манайх хийсэн ажилдаа 4-5 жилийн баталгаа гаргаж өгдөг. “Эмээлцэгийн гол” ХХК болон бүтээгдэхүүний талаар сонирхсон хүмүүс www.emeeltsegiingol.com хаягаар манай вебсайтаас илүү дэлгэрэнгүй мэдээлэл авч болно.  

-Барилгын гадна засал хийх хамгийн тохиромжтой үе нь хэзээ байдаг вэ? Ажиглаад байхад манайхан өвөл хүртэл хийж  байх юм.

-Өвлийн улиралд барилгын гадна засал хийхийг мэргэжлийн хяналтын байгууллагаас хориглосон. Нэмэх 5 хэмээс доош үед барилгын гадна засал хийвэл чанаргүй болдог. Ер нь өвлийн улиралд барилгын дотоод ажил  хийхэд тохиромжтой.

-Баригдаад жил ч болоогүй зарим барилгуудын гадна өнгө нь гандах, бороо цасанд будаг нь халтартаж урсах, өнгө шавар хуурч унасан байдаг шүү дээ.

- Гарал үүсэл нь тодорхойгүй эмульсээр, цаг агаарын тохиромжгүй нөхцөлд эсвэл мэргэжлийн бус хүмүүсээр хийлгэсэн ажил иймэрхүү эрсдэл дагуулдаг.