Турк улсын төсөв, үнэ бүрдэлтийн тогтолцоотой танилцаж, туршлага судалжээ.

Barilga
2019-11-05

Турк улсын төсөв, үнэ бүрдэлтийн тогтолцоотой танилцаж, туршлага судалжээ.

Бүгд найрамдах Турк Улсын барилгын салбарын төсөв, үнэ бүрдэлтийн тогтолцоо, норм, норматив боловсруулж байгаа ажилтай танилцах, туршлага судлах, цаашид хамтран ажиллах чиглэлээр ЗТБХБЯ, ГХБЗЗГ, СЯ-ны болон төрийн бус байгууллагын төлөөлөл-Төсөвчдийн холбооноос оролцсон нийт 15 ажилтан бүхий төлөөлөгчдийн бүрэлдэхүүн 2011оны 12 дугаар сарын18-26-ны өдрүүдэд БНТУ-д амжилттай ажиллаад ирсэн байна.

Төлөөлөгчдийг БНТУ-ын Авто замын газар, Нийтийн орон сууцны удирдах газар, Хүрээлэн байгаа орчин,хот байгуулалтын яам хүлээн авч хөтөлбөрийн дагуу үйл ажиллагаа албан ёсоор эхэлсэн болно.

2011.12.19-ний өдөр.

Бүгд найрамдах Турк Улсын Зам тээвэр, усан замын тээвэр, мэдээлэл харилцааны газрын дэд дарга Miicahit Arman хүлээн авч танилцаж Турк улсыг зорин ирсэнд талархал илэрхийллээ.

Зам тээврийн газрын Бодлого зохицуулалтын хэлтэс

*Он сар*	*Хөтөлбөр*	*Хүлээн авах байгууллага*
	*2011.12.19Даваа гараг***
10:30-11:00	Зам тээвэр, усан замын тээвэр, мэдээлэл харилцааны газрын танилцуулга	Stratyeji Gelistirme
11:00-12:30	Авто замыг төлөвлөх	Stratyeji Gelistirme
13:00-14:00	Авто замын хөрөнгө оруулалт болон төсвийн талаар	Stratyeji Gelistirme
15:00-16:30	Авто замын төлөвлөлтийн үндсэн зарчим	Stratyeji Gelistirme

Зам тээвэр, усан замын тээвэр, мэдээлэл

харилцааны газрын танилцуулга

Энэ газар нь 1950 оны 2 сарын 11-ний өдөр байгуулагдсан. 2007 оны 8 сар хүртэл Нийтийн аж ахуйн яаманд харьяалагдаж байсан түүхтэй, улс орны замын аюулгүй ажиллагаа, хөдөлгөөнийг соёл, замын угсралт, замын засвар арчлалт, хөрөнгө оруулалтын төлөвлөлт, худалдан авах ажиллагааг төсвийн норм дүрмийн дагуу зохицуулан ажилладаг 4 орлогч, 14 гүйцэтгэх хэлтэс, 54 тасаг, 118 салбартай томоохон газар гэдгийг танилцууллаа.

Энэ газар нь 5 зорилго тавьж ажилладаг:

1. Замын шуурхай аюулгүй байдлыг ханган ажиллах

2. Хүн болон ачаа тээврийг хүрэх ёстой газар нь саадгүй хүргэдэг байх

3. Өөрчлөлт шинэчлэлтийг байнга мэдэрч орчин үеийн шаардлагад нийцэн ажиллах

4. Улс орны аюулгүй байдлыг ханган ажиллах

5. Хүн болон байгальд хор нөлөө учруулахгүй ажиллах

Турк улсын замыг 3 хуваадаг.

1. Хурдны зам

2. Улсын чанартай зам, Энэ зам нь улсын нийслэл, онгоцны буудал, төмөр замыг холбосон замуудыг хамардаг.

3. Хот суурин газруудыг холбосон орон нутгийн зам

Нийт 65108 км замыг хариуцан ажилладаг ба үүний 2236 км нь хурдны, 31413 км нь улсын чанартай, 31459 км нь орон нутгийн зам байдаг байна. Мөн замыг хучилтын төрлөөр нь авч үзвэл 12452 км нь асфальто бетон, 48923 км бетон хучилттай, 1293 км сайжруулсан зам, 2234 км нь өөр төрлийн хучилттай зам байна. Дээрхи замуудаас зөвхөн хурдны замаар орж гарч байгаа тээврийн хэрэгслээс татвар авдаг ба татварыг карт уншуулж хураадаг байна.

100 км² талбайд ноогдох замын уртыг Герман, Япон, улстай харьцуулж үзвэл:

Улсын нэр	Турк	Герман	Япон
Газар нутагт ноогдох замын урт	55 км	182км	316км

Автозамын хөрөнгө оруулалт төлөвлөлтийн

системийн талаар /Кенан Kayaci/

Төлөвлөлт хэзээ, хаана, хэнд юуг хийх хэрэгцээнд тулгуурласан, олон нийтэд чиглэсэн, хувь хүний эрх ашгийг хамгаалсан байх ёстой. Төлөвлөлтийг хэрэгжүүлэхэд 8 зорилт тавьж ажилладаг.

- Тухайн тавьж байгаа зорилтдоо хэдий хугацаанд хүрэх

- Одоогийн байдлаар энэ зорилгыг биелүүлэхэд юу шаардаж байна.

- Зорилтыг биелүүлэхэд ирээдүйд юу шаардагдах вэ?

- Хийх ажлуудын дарааллыг тогтоох

- Энэ ажлыг хийхэд хэдэн төгрөг зарцуулагдах, эдийн засгийн үзүүлэлтийг тодорхойлох

- Хэн хэн ямар үүрэг, хариуцлагыг хүлээж ажиллахыг тодорхойлох

- Мөнгө, цаг, эдийн засгийг холбож төлөвлөгөө гаргана: