"Ажлын байрыг нэмэгдүүлж, дэд бүтцийг хөгжүүлэх жил" болгон зарласантай холбогдуулан энэ жил нийслэлийн бүтээн байгуулалтад их хэмжээний төсөв батлагдсан билээ. Тиймээс улс, нийслэлийн хөрөнгө оруулалтаар 2007 онд хэрэгжүүлэх төсөл арга хэмжээ, барилга байгуулам-жуудын ажлын явцтай танилцах уулзалт уржигдар болсон  юм.  Нийслэпийн хэмжээнд хийгдэж байгаа ажлуудыг эрчимжүүлэх, хүйтний улирлаас өмнө чанарын өндөр түвшинд хийж гүйцэтгэх талаар уулзалтад оролцогчид санал бодлоо солилцож, нийслэлийн Засаг дарга, Засаг даргын орлогч нар цаашид анхаарах зүйлсийг үүрэг болгон өгсөн. Хүйтний улирал дөхөж байгаатай холбогдуулан хугацаа алдахгүй байх, мэргэжлийн байгууллагуудын уялдаа холбоог сайжруулах зэрэг найман үүрэг даалгаврыг хотын мэр хол-богдох байгууллагын удирдлагуудад өглөө.
Энэ жил зам засварт нийслэлээс 10, улсаас 6.6, Замын сангаас 2.9 тэрбум нийт 19.5 тэрбум төгрөг төсөвлөж, 32 км замыг шинээр болон шинэчилж байгаа юм. Хотын төвөөр тавигдаж байгаа замууд нь иж бүрнээр хийгдэж байгаа бол, зах руугаа зөвхөн хучилт хийгдэж байгаа аж. Ялангуяа Бэлх Сэлбийн замд явган хүний зам, гэрэлтүүлэг зэрэг тавигдаагүй нь иргэдийг бухимдуулах болжээ. Алслагдсан гурван дүүрэгт энэ жил зам засварын ажил хийгдээгүй аж. Учир нь энэ онд зураг төслөө баталж, тендер зарлах ажил нь дуусаагүй бөгөөд ирэх онд хийхээр болжээ. Багануур, Багахангай, Налайх дүүрэгт нийт 503 сая төгрөгийг зам засварын ажилд зарцуулах юм байна. Зам засварын ажил өнөөдрийн байдлаар нийслэлийн хэмжээнд 80 орчим хувьтай байна. Төлөвлөсөн ажлаас хоёр замын ажил эхлээгүй байгаа аж. "Улаанбаатар Цахилгаан түгээх сүлжээ" ХК өөрсдийн хийх ёстой ажлаа хийгээгүйгээс хүндрэл үүсээд байна. Энэ нь цахилгааны шугамыг зарим зам засварын газраас шилжүүлэх шаардлагатай байгаа юм. Засаг даргаас өгсөн үүрэг даалгаврыг биелүүлэх, нийслэлийн болон улсын төсвөөр хийгдэж байгаа ажлуудыг энэ онд багтааж дуусгах, эхлээгүй байгаа ажлуудыг цаг алдахгүй эхлүүлэх, хяналт шалгалтаа сайжруулахаар боллоо.