Номхон далайн эрэг орчим Мексикийн Акапулько хотын ойролцоо 7,4 магнитудын хүчтэй газар хөдлөлт тэмдэглэгдсэн талаар  АНУ-ын газарзүйн алба мэдээлсэн байна.

Газар хөдлөлтийн голомт тус улсын Герреро мужийн Ометепек хотоос 25 километрийн зайтай орших газар бүртгэгдсэн бөгөөд тус бүсэд 500 гаруй байшин барилга сүйджээ.

Одоогоор хохирогчдын талаарх мэдээлэл ирээгүй байгаа гэнэ. Чичирхийлэл мөн нийслэл Мехико хотод мэдрэгдсэн ажээ. Газар хөдлөлтийн улмаас тус хотод явган хүний гүүр микро автобусан дээр нурж унажээ.

Иргэд маш ихээр айж цочирдсон байна. Гамшгийн бүсэд цагдаагийн нисдэг тэргүүд ирээд байгаа ажээ. Гар утасны сүлжээ унасан байгаа тул хүмүүс ойр дотныхонтойгоо холбогдох боломжгүй байгаа гэнэ.