Үнэгүй

Барилга МН

 
Дагах

Газрын харилцаа, барилга, геодези, зураг зүйн салбарын удирдах ажилтны зөвлөгөөн эхэллээ.

Barilga Barilga
2019-11-05
Газрын харилцаа, барилга, геодези, зураг зүйн салбарын удирдах ажилтны зөвлөгөөн эхэллээ.
Үзсэн: 2604

     Аймгуудын газрын харилцаа, барилга, хот байгуулалтын газрын болон нийслэл, дүүргийн газрын албаны дарга нарын энэ оны ээлжит удирдах ажилтны зөвлөгөөн 2012 оны 01 дүгээр сарын 30-нд Газрын харилцаа, барилга, геодези, зураг зүйн газарт эхэллээ. Зөвлөгөөнийг ГХБГЗЗГ-ын дэд дарга Б.Баярсайхан нээж, агентлагийн 2011 оны үйл ажиллагааны товч тайланг тавив. Зөвлөгөөн  02 дугаар сарын 02-ныг хүртэл үргэлжлэх бөгөөд ЗТБХБЯ, Төрийн албаны зөвлөлийн холбогдох албан тушаалтнууд болон ГХБГЗЗГ-ын алба, хэлтсийн дарга нар оролцож байна. Зөвлөгөөний үеэр 2011 оны ажлын тайланг хүлээн авч үнэлэх, үнэлгээний үр дүнгээр шагнаж урамшуулах, газрын харилцаа, геодези, зураг зүй, барилга, орон сууц, нийтийн аж ахуйн салбарт хийгдэж буй гол ажлууд, цаашид анхаарах асуудлаа хэлэлцэх, 2012 оны үр дүнгийн гэрээ байгуулах ажлыг зохион байгуулах юм.

ГХБГЗЗГ-ын дэд дарга Б.Баярсайхан тайлан тавих үеэр
   
     Зөвлөгөөний эхний өдөр “Барилгын салбарт Евронорм стандартыг нэвтрүүлэх тухай” Барилга, нийтийн аж ахуйн албанаас танилцууга хийж, “Төрийн жинхэнэ албаны удирдах ажилтны сонгон шалгаруулалт, түр орлон гүйцэтгүүлэх “ талаар Төрийн албаны зөвлөлийн ахлах референт Д.Баатарсайхан мэдээлэл өгөв. Маргааш буюу зөвлөгөөний хоёр дахь өдөр  аймгуудын ГХБХБГ-ын дарга нар Төрийн ордонтой танилцаж, нийслэлийн Газрын алба болон Баянзүрх дүүргийн Газрын албаны үйл ажиллагаатай танилцана.