Энэ сарын 15-ны өдөр орон сууцны айл өрх, сургууль, цэцэрлэг, эмнэлэг зэрэг төсвийн байгууллагуудын халаалт тавигдана. Халаалт тавигдахын өмнө буюу энэ сарын 12-ны өдөр "Улаанбаатар дулааны шугам сүлжээ" компаниас тэг зогсолт хийхээр болжээ. Энэ өдөр 08.00-20.00 цаг хуртэл   нийслэлийн хэмжээнд халуун усны хязгаарлалт хийнэ гэсэн уг. "Улаанбаа-тар дулааны шугам сүлжээ" компани өнгөрсөн сарын 25-ны өдрөөс дулаан авах байгууллагуудтай гэрээгээ байгуулж эхэлжээ. "Улаанбаатар дулааны шугам сүлжээ" компанитай гэрээ байгуулах эрхгүй болсон газар цөөнгүй байна. Учир нь тэдгээр газрууд өмнөх жилийн   дулааны   төлбөрөө төлөөгүй аж. Тус компанийн Ерөнхий инженер өртэй байгууллагуудын нэрсийг дурдсан. Өрийн дийлэнх нь орон сууцны конторуудад оногдож байна.  Орон сууцны 20 конторын 17 нь 10-280 сая төгрөгийн өртэй аж. "Улаанбаатар дулааны шугам сүлжээ" компани орон сууцны конторуудаас 772 сая 586 мянга 591 төгрөгийн авлагатай. "Хөх асар" компани 280 сая 242 мянга 282 төгрөгийн өртөй байна. "Ган, өргөө" компани 93, "Санни хаус" 68, "Хайрхан уул" 66, "Ашид ундрах" 64, "Өнөр хотхон" 30 сая төгрөгийн өртэй явна. Огт өргүй нь "ЭМА энд БИ", "ГМ", "Хаусинг сервис" контор байна. Түүнчпэн төсвийн тодотголоор зарим байгууллагад засварын ажил хийгдэж байгаа бөгөөд халаалт өгөхөөс өмнө засварын ажлыг дуусгах хэрэгтэй байна. "Улаанбаатар дулааны шугам сүлжээ" компани өрөө төлсөн тохиолдолд дулаан өгөх гэнэ. Харин Орон сууц нийтийн аж ахуйн удирдах газраас орон сууцны конторуудад дулаан өгөхгүй байх нь өр барагдуулах гол арга биш. Өр үүссэн шалтгаан нь олон эх үүсвэртэй хэмээн тайлбарлаж байлаа.