Улаанбаатар хотын усан оргипуурын тоо нэгээр нэмэгдлээ, Өмнө нь Чингэлтэй дүүрэг усан оргилууртай бичил цэцэрлэгийг ашиглалтанд оруулсан билээ. Тэгвэл энэ удаад Баянзүрх дүүргийн  15 дугаар хорооны нутаг дэвсгэрт байрлах усан оргилуурыг өчигдөр ашиглалтад орууллаа.
    Нээлтийн ажиллагаанд тус дүүргийн Засаг дарга Э.Мөнх-Очир, нийслэлийн Өмчийн харилцааны газрын дарга, НИТХ-ын төлөөлөгч М.Ганбаатар, 15 дугаар хорооны Засаг дарга Д.Хосбаяр болон тус хорооны оршин суугчид оролцов.
Усан оргилуурыг барихад шаардагдах хөрөнгийг нийслэлийн Өмчийн харилцааны газрын дарга, НИТХ-ын телөөлөгч М.Ганбаатар гаргасан байна. Нийт зургаан сая төгрөг зарцуулжээ. "Хаусинг дизайн" компани усан оргилуурыг нэг сарын хугацаанд барьж дуусгасан байна.
    Нийслэлээс энэ онд "Ажлын байрыг нэмэгдуүлэх, дэд бүтцийг хөгжүүлэх" жил  гэсэн зорилт тавьсан, үүнтэй уялдуулан дүүрэг бүрт бичил цэцэрлэг байгуулж байгаа. Цаашид уг усан оргилуурыг түшиглэн бичил цэцэрлэг байгуулах юм байна