Барилга МН

Одоогоос яг зургаан жилийн өмнө 2001 оны 9 сарын 11-ний өдөр Америкийн санхүүгийн төв Нью-Йорк хот дахь Дэлхийн худалдааны төвийн ихэр цамхаг террорист халдлагад өртсөн билээ. Энэхүү барилга хэдийд, хэрхэн баригдах болсон талаархи мэдээллийг та бүхэндээ хүргэж байна.

Дэлхийн худалдааны төвийг барих санаачлага нь Нью-Йорк хотын удирдлага Дэлхийн худалдааны корпораци байгуулан  Манхэттэн дүүрэгтээ худалдааны төв байгуулахыг зорьж байсан 1946 оноос эхлэлтэй аж. Ингээд тус хотын удирдлага барилгыг бариулахаар Нью-Йоркын Уэст, Чөөрч, Эрх чөлөөний болоод Вэсигийн гудамжнуудаар хүрээлэгдсэн хэсэг газрыг сонгосон бөгөөд төслийг хийлгэхээр архитектор Минору Ямасакиг сонгосон байна. Ямасакигийн хүссэний дагуу инженерийн хийцийг нь хийлгэхээр Worthington, Skilling, Helle and Jackson зэргийн компаниудыг сонгон авсан бөгөөд Ямасаки өөрөө эдгээр компаниудын инженерүүд болох Жон Скиллинг болон Лесли Робертсон нартай нягт хамтран ажиллаж байжээ. Emery Roth & Sons компани зураг төслийн гүйцэтгэлийг хийсэн байна.

Ихэр цамхагийн барилгын ажлыг 1966 оноос эхлүүлжээ. Дэлхийн худалдааны төвийн нэгдүгээр цамхаг-WTC1 буюу хойд цамхагийн зэргэлдээ WTC2-ыг барьж эхэлсэн байна. Ихэр цамхагийг барьж дуусаагүй байсан хэдий ч 1970 оны сүүлчээр доод давхарууддаа эхний “оршин суугчдаа” хүлээн авсан байна. WTC1 нь 1972 онд, WTC2 нь 1973 онд ашиглалтад орсон бөгөөд 10 000 гаран ажилчид барилгын ажлыг гүйцэтгэхэд оролцсоноос найм нь үйлдвэрлэлийн осолд орж байсан түүхтэй аж.

Цамхаг 1973 оны 4 сарын 4-нд албан ёсоор нээгджээ. Эзэмшигчид нь эхэндээ 8 сая гаруй квадрат фут талбайтай нүсэр цамхагт түрээслэгч олох гэж нилээдгүй бэрхшээлтэй тулгарч байв. Бүр 1975 оны 2 сард гал гарснаас болж хойд цамхагийнх нь ихэнхи өрөөнүүд сул хэвээр байсан байна. 1368, 1362 футын өндөртэй 110 давхар ихэр цамхагууд 1974 онд Сирс Тауэр баригдах хүртэл дэлхийн хамгийн өндөр, хамгийн том барилгад тооцогдож байв.

WTC5, WTC7-г эс тооцвол Дэлхийн худалдааны төв нь 9 сарын 11-ний халдлага болохоос 6 долоо хоногийн өмнө хувийн байгууллагад түрээслэх хүртэл Нью-Йорк болон Нью Жерси мужийн боомтыг удирдах газрын мэдэлд байжээ. WTC3 буюу жинхэнэ нэрээрээ бол Vista зочид буудлыг Нью-Йорк болон Нью Жерси мужийн боомтыг удирдах газар 1980 онд 78 сая ам.доллараар худалдаж аваад 1996 онд “Марриот” зочид буудлын сүлжээнд 141 сая ам.доллараар худалдсан байна.

Дэлхийн худалдааны төвийн талаархи тоо баримт

Дэлхийн худалдааны төв нь бие даасан 6 барилга, дээр нь залгаа барилга болох 7 дахь барилга буюу цамхагаас бүрдэнэ.

Та бүхэн дэлхий худалдааны төвийн талаар илүү мэдэхийг хүсвэл энэ сайт руу зочлоорой  911research.wtc7.net/wtc/