Үнэгүй

Барилга МН

 
Дагах

Орон сууцжуулах хөтөлбөр тааруу үнэлгээ авлаа

Barilga Barilga
2019-11-05
Үзсэн: 1556
Нээлттэй Нийгэм Хүрээ­лэнгийн Мониторингийн Хөтөлбөрийн хүрээнд “Монголын Хөрөнгийн Зах Зээлийн Холбоо” ТББ тус мониторингийг 2005-2009 оны хооронд хэрэгжсэн 40,000 орон сууц хөтөлбөрийн Улаанбаатар, Дархан, Эрдэнэт хотууд дахь хэрэг­жилтэнд суурилан хийжээ.Судалгаагаар 40,000 орон сууц  хөтөлбөрийг хэрэгжүүлэх үүрэгтэй байгууллагууд нэгдсэн ойлголтгүй, тэдний идэвхи санаачлага, хамтын ажиллагаа хангалтгүй гэсэн үнэлгээг авчээ.

Түүнчлэн төрийн санхүүжилтийн гүйцэтгэл 25 хувийн биелэлттэй байсан бөгөөд хангалтгүй үр дүн гарахад эдийн засгийн суурь нөхцөл байдал муу байсан нь нөлөөлсөн нь тодорхой. Мөн  хөтөлбөрийн удирдлага зохион байгуулалт, санхүүжилттэй холбоотой ажлуудыг хийх тал дээр хөтөлбөрийг хэрэгжүүлэгч төрийн байгууллагууд, тэр тусмаа хөтөлбөрийг удирдах дээд байгууллага болох Зам Тээвэр, Барилга, Хот Байгуулалтын Яам болон хөтөлбөрийн гол хэсгийг гүйцэтгэгч болох Орон Сууцны Санхүүжилтийн Корпораци харилцан уялдаатай, идэвхи санаачлагатай ажиллаж чадаагүй нь тогтоогдсон байна.
Нөгөөтэйгүүр Сангийн Яам бондын хөрөнгийг дамжуулан зээлдүүлэх гэрээг арилжааны банкуудтай байгуулаад, барилгын ажлыг эхлүүлэх үед бондын хөрөнгийг бараг бүгдийг эргүүлэн төлөх хугацаа болсон байсан аж. Нэг үгээр хэлбэл бондын хөрөнгөөр санхүүжүүлж орон сууц барьсан гэдэг нь нэр төдий зүйл байсан болохыг дээрх судалгаагаар тогтоосон байна.

Эх сурвалж: “Улаанбаатар таймс”