Кауфман нь Райтын бүтээлүүдтэй анх, Райтыг Кауфманы хүү явдаг сургуульд багшлаж, хүүд нь хичээл заадаг байхад нь танилцжээ. Үүний дараа Райт нь Питсбургт Райтын хэсэг захиалгыг гүйцэтгэж, улмаар хотын гаднах байшин босгох саналыг нь хүлээн авав. Газар дээр нь анх очоод гаргасан эскиз нь байшинг босгох явцыг дуустал бараг өөрчлөгдөөгүй юм. Кауфман энэ зоригтой шийдэлд эргэж хургалгүй, гарч болох хүндрэлд түүртэлгүй шууд л орсон юм.
Хариуцлагаа хуваах байдлаар оролцож, Райт өөрөө хэрэгжүүлэгчээ сонгожээ. Чулуу болон бетоны ажлыг тэр өөрөө хянаж хэрэгжүүлэн, нутгийн ажилчдаар хийлгэн, явцын дунд тэднийг сургаж байв. Кауфман эксперт-инженерүүдийг хийцийн жирийн бус этгээд шийдлүүдийн тооцоог хийж хянуулахаар хөлслөн авав. (Хамгийн том ил гарсан тавцан усны урсгалын дээр 18 тохой зайтай гарч ирсэн байв).
Экспертүүдийн тооцоо үргэлж сөргөөр гарч байв. Тэд, бүх хийц нь тохиромжгүйгээс дам нурууны хөндлөн огтлолыг ихэсгэн, гол чулуун хананы тулгуурыг нэмэх зэрэг олон зүйлийг тулгаж байлаа. Хийцийн зарим хэсгийн деформац Кауфманы санааг бүхий л амьдралын туршид зовоосон ч тэрбээр архитектортоо итгэсээр байсан юм. Барилгачид ч өөрсдийн үр дүнд эргэлзэж байв. Гол тавцан хэсгийг цутгаж дуусгасны дараа зангидсан опалкыг авах үед ажилчид их айж байсныг Кауфманы хүү хожим дурсаж ярьдаг байжээ. Гэсэн хэдий ч, Райтын өөртөө итгэх итгэл тэднийг зоригжуулсан байна.
Барьж дуусах үед байшингийн өөрийн өртөг нь 145 мянган доллар хүртэл өсчээ. Энэ үед дундаж америк хүний байшингийн өртөг 10.000-16.000 доллар байсантай харьцуулахад энэ нь маш их өртөг байв.
Цаашдаа, гарсан алдааг засахад гаргасан өртөгийг нэмбэл аль хэр үнэтэй болохыг хэн ч хэлж мэдэхгүй байв. Одоо хүртэл, мэргэжилтнүүд яагаад энэ
байшинг бариулах болсон, ийм хүнд, аюултай байдлаар босгох болсныг гайхдаг юм. Яагаад гол тавцанг их хэмжээгээр ил гаргаж аз туршсаныг ч гайхдаг, ер нь яагаад дотоод талбайтай бараг ижил хэмжээтэй талбайтай ил тавцангуудыг олноор хийх болсон, яагаад байгууламжийг ийм намхан хэлбэрээр хийх болсон зэрэг олон асуулт гарч ирсэн байна.
Энэ байшин ер бусын нууцлаг гайхамшгийг агуулж байгаад энэ олон асуултын хариу оршиж байгаа мэт ажээ.
Энэ барилгыг   ерөнхий байгууламжтай нь харьцуулахад үндсэн төвөөсөө алслагдмал байгаа нь зургаас нь харахад л ил байна. Энэ барилгын гол санаа нь агаарт дүүжлэгдэн тогтох    хөндлөн     гэрэлт саравчит  тагтан   хавтан, түүнтэй хослуулсан байгалийн ургаа хад болох, чулуун тогтоцыг ашигласан чулуун шал, шат, тулгуурхана, ил зуух зэргийн хоршил юм. Нэг болон дээд давхрын хучилтын гол дамнуурыг суурийн байгууламжтай нэгдсэн бетон цутгамалаар хийжээ. Энэ хэсгийн голлох зүйл нь зочны танхимын шийдэл    бөгөөд    онцлог элемемт нь чулуун дундах шалтай нэг үргэлж ил зуух юм. Хойд хэсгээрх болон ил зуухны дагуух боржин чулуун ханын огтлоос нь хэд хэдэн хэсэгт орон зайн нэгдмэл байдлыг нь алдуулахгүйгээр ялгаруулж өгч байна. Урд хэсгийн нил шалан хана, цэлгэр тагт руу гарсан гарц нь байгууламжийн аль ч цэгээс орчноо харах, байгалийн сайхныг мэдрэх боломж бүрдүүлж байна. Райтийн нэг ч орон сууцанд "орон зайн шинэ ойлголт", интерьер, экстерьерийн органик шүтэлцээний үл тасалданга чанар ийм хурц илрээгүй ажээ. Интерьерийн бүхий л хэсэг өвөрмөцөөр хийгджээ. Буйдан, жижгэвтэр ширээнүүд болон хивс, дорнын чимэглэл нь ханын засаж янзлаагүй чулуун блокуудын өнгөн талтай эсрэгцэн, интерьерийг нөхөж байна. Босоо болон хөндлөн, нүсэр том метал хавтангаар хүрээлсэн, ямар нэгэн хавтангүй чулуун ханандтулгаж тавьсан цонхны витраж /шилэн шигтгэмэл/ дизайн нь онцгой хэв маяг, хэлбэр дүрстэй ажээ. Тагтны зүүн хойд булангийн шатаар хүрхрээ рүү бууж болно. Мөн байшингийн гол хаалга нь хойд буланд алслагдан байх ба нүдэнд шууд тусахгүй. Хаалга руу явахдаа горхин дээр барьсан жижиг гүүрээр дамжиж юмуу, эсвэл шаардлагатай үед зочны байр болгон ашиглаж болох, үйлчлэгчид зориулан барьсан тусгай корпусын дээрээс шууд орж болно. Хоёр, гуравдугаар давхарт унтлагын өрөө болон бусад хувийн зориулалтын өрөө тасалгаа байх ба мөн тагт руу гарах гарцнууд байна.