Замын-Үүдийн боомтод ачаатай машин овоорч, холбогдох албаны газруудаас эхлээд бараг нийтийн анхаарал тэр эүгт чиглэчихжээ. Боогдон хүлээгдээд байгаа ачаа тээш бүхэн томоохон үйлдвэрлэгчдийнхээс илүү бага, дунд бизнес эрхлэгчдийн амьдрал ахуй, ажил үйлчилгээтэй илүү их холбоотой байж магадгүй. Урд хөршөөс их хэмжээний ачаа бараа татдаг, байнгын үйл ажиллагаатай томоохон компани, аж ахуйн нэгжүүд вагон захиалга, тээвэрлэлтийн тарифыг мөрдөөд явчихдаг гэж болно. Уг нь бол төмөр замаар ачилт хийлгэх захиалгыг сарын өмнө өгөх ёстой. Гэтэл барилга үйлдвэрлэл, бүтээн байгуулалтыг дэмжсэн жилийн хүрээнд өмнөх жилүүдээс илүү ачаалалтай болсон, магадгүй энэ салбарт шинээр орж ирсэн туршлагагүй бага, дунд хэмжээний ажил үйлчилгээ эрхлэгчид үйлдвэрлэлээ таслахгүй бараа бутээгдэхүүн оруулж ирэх мэтчилэн шалтгаанаар Замын-Үүд ноорсон тэмээ шиг ачаа тээшинд автсан газар болжээ, Өдөрт өчнөөн хөнгөн бетон гаргадаг овор багатай үйлдвэр түүхий эдгүй болчихоод, цементээ ачуулж чадахгүй дарга удирдлага нь Замын-Үүдээр хар хөлсөө цутгуулан гүйж явна гэнэ.
Энэчлэн бухимдал явсаар зарим нэгэн нь Улаанбаатар төмөр зам (УБТЗ) вагоноо нуучихсан хэрэг уу эсвэл ачаа бараа зөөвөрлөх, хилээр оруулах аль шатанд доголдоод ийм хямрал үүсээ вэ гэж бодоход хүрсэн болов уу. Ер нь төмөр замаар энэ жилийн эхний хагас жилд тээвэрлэсэн ачаа барааны хэмжээг өнгөрсөн оны мөн үеийнхтэй харьцуулахад хоёр дахин өссөн баримт байна, энэ дүнгээр бол их ачааны хэрээр төдий хэмжээнд цементийн нийлүүлэлт өссөн. Цементийн үнэ өссөн нь нэн түрүүнд Хөтөлийн үйлдвэр бүтээгдэхүүнээ ОХУ-д гаргаж байгаатай холбоотой гэж шинжээчид ч хэлж байх юм. Цемент хомсдсон үед ихээхнийг оруулж худалдаалах нь ашигтай гэсэн иргэдийн сэтгэлгээ бас Замын-Үүдэд ихээхэн бөөгнөрөл үүсгэх нэг шалтгаан болжээ. Тэрчлэн 50 кг-аар савлагдсан цөмөнтийг кранаар эөөх боломжгүй учраас ачилтын явцад ихээхэн цаг алдаж байгаа гэнэ.
Уг нь Замын-Үүд эангилааны ачаа боловсруулах хүчин чадлыг нэмэгдүүлэхээр энэ оны эцэс буюу арванхоёрдугаар сар хуртэл 4.675 сая төгрөгийн хөрөнгө оруулалт хийгдэж байгаа юм билээ. БНХАУ-аас ОХУ  руу дамжуулах транзит ачааг шилжүүлэн ачих зориулалтын 6700 ам.метр талбай барих, кран суурилуулахад 158 сая төгрөг эарцуулах ёстой. Бас БНХАУ-аас нарийн цагиргийн галт тэрэг хулээн авах хоёр зам нэмж барьж эхэлсэн нь ирэх сарын 1-ид ашиглалтад орох төлөвлөгеөтэй. Энэ ажилд 400 сая төгрөгийн хөрөнгө оруулсны хүчинд Хятадын вагоны хуримтлал багасах юм гэсэн. Хоногт хүлээн авах галт тэрэг дөрөвөөр нэмэгдэн, сэлгээний ажлын хүндрэл багасна гэхчилэн тооцоо, дүгнэлтүүдийг гаргасан байна.
Улаанбаатар төмөр замын (УБТЗ) дарга В.Отгондэмбэрэлийн тушаалаар Замын-Үүдийи вагоны хуримтлалыг багасгахаар шуурхай ажиллах даалгавартай комисс гарчээ. Комиссын ахлагч шаардлагатай гэж үзвэл УБТЗ-ын хэмжээнд аль ч алба хэлтэст үүрэг даалгавар өгөх, ажил хариуцсан хүмүүсийг шууд удирдах, хөрөнгө мөнгө зарцуулах, сахилгын шийтгэл оногдуулах, шагнах урамшуулах гээд замын даргын орлогчын хэмжээний эрх эдлэн Замын-Үүд зангилаанд тээврийн хэрэгслийн хэвийн, тасралтгүй ажиллагаа хангуулж эхэлсэн байна. Яг газар дээр болж байгаа байдлыг харвал  таван тн-ын ачаа тээвэрлэх ёстой машинд 10-20 хүртэл тн барилгын материал ачин хилээр орж ирэн Замын-Үүд хүртэлх долоон км өнөөх засмал замаар тонгочиж давхиа нь энүүхэнд. Ийм тээвэр өдөрт хэдэн эуугаараа. Орж ирсэн ачаа бүхний эзэн "Одоохон Улаан-баатар руу тээвэрлэх ёстой..." гээд вагон нэхээд зогсчихдог юм биз дээ. Вагон нэмэгдүүлэлт, техник шииэчлэлтгүй учраас байгаа хэдийгээ УБТЗ-ын зүгээс хэвийн дээд чадлаараа зохицуулж, дүрэм горимын хэмжээнд ажиллуулж байгаа гэсэн. Байгаа нөхцөл байдлыг шийдэхийн тулд вагоны тоог хиймлээр өсгөх мэт нэмэгдүүлэх боломжгүй учраас авто замаар орж ирж байгаа ачаа тээвэрлэлтийг хязгаарлах вагон тээвэрлэлттэй нөхцөлдүүлэх шаардлагатай байна хэмээн салбарынхан өгүүлсэн.
УБТЗ-аас Замын-Үүдэд томилогдсон комисс одоо бол эргэлтийн вагоны тоо болон ачигч олшруулж, ачилтын фронтыг нээж эхэлжээ. Ийн галт тэрэг явдгаараа, цаг нараараа "гүйгээд гүйгээд" авто замаар хяналтгүй их хэмжээгээр орж ирсэн ачаагаа барахгүйд хүрсэн юм биш үү.