Зурвас бичих
Messenger
Залгах
- Barilga
- 2019-11-05
Орон сууцны барилгын доторхи сантехникийн тоноглол солих, сантехникийн дотор системийг туршиж шалгах журам
“Орон сууцны барилгын доторхи сантехникийн тоноглол солих, сантехникийн дотор системийг туршиж шалгах журам” боловсруулсан тухай товч танилцуулга
Барилга Хот Байгуулалтын Сайдын 2007 оны 25 дугаар тушаалаар баталсан “Нийтийн аж ахуйн салбарын нормативын баримт бичгийн тогтолцоог боловсронгуй болгох үндсэн чиглэл”-ийн хүрээнд Нийтийн аж ахуй үйлчилгээний яамны /хуучин нэрээр/ сайдын 1982 оны 262 дугаар тушаалаар батлагдсан “Сантехникийн тоноглол солих журам”, Монгол улсын дэд бүтцийн хөгжлийн /хуучин нэрээр/ сайдын 1996 оны 62 дугаар тушаалаар батлагдсан “Цэвэр ус түгээгүүр, ариутгах татуургыг ашиглах дүрэм“, “Хэрэглэгчийн эрхийг хамгаалах тухай хуулийн 13 дугаар зүйлийн 13.1 дэх заалт, 16 дугаар зүйлийн 16.1.7 дах заалтыг үндэслэн “Орон сууцны барилгын доторхи сантехникийн тоноглол солих, сантехникийн дотор системийг туршиж шалгах журам”-ыг боловсруулав.
Оршин суугчдын захиалгаар сантехникийн талаархи мэдлэг хомс байдлыг далимдуулж, угсралтын дараа ашиглалтын өмнөх шалгалтыг хангалтгүй хийх, хямд өртөгтэй, ашиглалтын шаардлага хангахгүй тоноглолыг суурилуулснаас болж, оршин суугчдад эд материалын болон сэтгэл санааны хохирол учирч байгаагаас гадна, ашиглалт хариуцсан орон сууц нийтийн аж ахуйн байгууллагуудад сантехниктэй холбоотой дуудлага эрс нэмэгдсэн байна.
Ялангуяа шинээр ашиглалтад орж буй орон сууцны барилгуудад суурилагдсан сантехникийн тоноглолууд жил ч бололгүй элэгдэлд орж, эвдэрч, ашиглалтаас гарч байгаа тохиолдол элбэг байна. Үүнтэй холбоотойгоор сантехникийн тоноглол, эд ангийг солих асуудлыг журамлах зайлшгүй шаардлага гарч байна.
Уг журмыг мөрдүүлснээр орон сууц барилгын шугам сүлжээг ашиглалтад хүлээн авах угсралтын чанарын шаардлага хангасан байх, ашиглалтын байгууллагуудад сантехникийн тоноглол, эд ангитай холбоотой дуудлага эрс багасч, мэргэжлийн байгууллагууд уг журмын дагуу хэрэглэгчдэд түргэн шуурхай үйлчилгээ үзүүлэх, ажил үйлчилгээний чанар эрс дээшлэх нөхцөл бүрдэнэ.
Журмын төслийг УБ хотын захирагчийн ажлын албаны инженерийн байгууламжийн хэлтэс, УБ хотын Орон сууц, нийтийн аж ахуйн удирдах газар, Ус сувгийн удирдах газар, “Дархан-Ус суваг” ХК, “Эрдэнэт-УДТС” ХХК, Орхон аймгийн “Эрдэнэт амьдрал” ХХК, Улаанбаатар хотын орон сууц, нийтийн аж ахуйн “ЖМБО” ХХК, “Суруга-Монгол” ХХК-иудад 2010 оны 1/1570, 2/2213 тоот албан бичгээр хүргүүлж, ирүүлсэн саналыг тусгасан болно.