Эмх замбараагүй шилжилт хөдөлгөөн, түүнээс үүдсэн гэр хорооллуудыг цэгцлэх тухай асуудал хурцаар тавигдах болсон. Тухайлбал, гэр хорооллоос гарч байгаа утаа агаарын бохирдлын дийлэнх хувийг эзэлж байна. Тэрчлэн гэр хорооллын замбараагүй суурьшлын улмаас хөрс, усны бохирдол нэмэгдэх болов. Судлаачдын үзэж буйгаар нийслэлийн гэр хороололд халдварт өвчин гарвал түүний тархалт тун хурдтай явагдаж, нийтийг хамарсан өвчлөл болох аюултай аж. 

Мөн аливаа эмнэлгийн үйлчилгээ, гал түймэр унтраах машин зэрэгтээврийн хэрэгсэл гэр хорооллын сүлжилдсэн гудамжуудаар эргэх зайгүй болсон нь цаг алдах, хохирол учруулах бэрхшээл дагуулж байна. Энэ бүхнээс үзэхэд нийслэлийн гэр хороолол үндэсний аюулгүй байдлын хилийг зерчих боллоо. Тиймээс гэр хорооллыг цэгцлэх, үндэсний аюулгүй байдлыг хадгалахад ямар арга хэмжээ авах талаар өнгөрсөн долоо хоногийн баасан гарагт нийслэлийн Засаг даргын зөвлөлийн хурлаар хэлэлцсэн юм. Одоогийн байдлаар манай улсад нэг сая 600 мянган суурин хүн ам бий. Харин нийслэл Улаанбаатар хотод нийт хүн амын 48 хувь нь амьдарч байна. Тэдний 61 хувь нь гэр хороололд амьдардаг гэсэн судалгааг нийслэлийн Статистикийн газраас гаргажээ. Тэрчлэн гэр хорооллоос гарч байгаа агаарын бохирдол, орчны бохирдлыг арилгахад 800 тэрбум төгрөг шаардлагатай байна. Үүнээс гадна нийслэлийн суурьшлын бүсэд цахилгаангүй амьдарч байгаа 10 мянга гаруй ерхийг цахилгаанаар хангахад таван тэрбум төгрөг шаардлагатай болжээ.

Хэдийгээр суурьшлын бүсэд амьдарч байгаа иргэдийг амьдралын хэрэгцээт зүйлсээр нь хангах гэж төр засгаас арга хэмжээ авч байгаа ч нийслэлд шилжин ирж байгаа иргэдийн хурдыг гуйцэхээ больсон. Ингэснээр хэн дуртай нь нийслэлд ирж суурьшиж, хотоос цахилгаан, дулаан, усаар хангах гэж төлөвлөгдөөгүй олон тэрбум төгрөгөө зарцуулдаг тогтолцоог өерчлөхөд анхаарлаа тевлөрүүлэн ажиллахыг нийслэлийн Засаг дарга бөгөөд Улаанбаатар хотын захирагч Ц.Батбаяр мэргэжлийн хүмүүст энэ үеэр анхааруулсан юм. Зөвлөлийн хурлын үеэр зарим мэргэжилтнүүд нийслэлд гэр хорооллын бүс бий болгох, эсвэл тодорхой бүлгээр нь бүсчилж суурьшуулах, нийслэлийг татвартай болгох ч гэсэн санал гаргаж байсан. Ямартаа ч гэр хорооллыг цэгцлэх, хүн амьдрах таатай нөхцөл бий болгох ажлыг мэргэжлийн ажлын хэсэг гарган судалгаа хийлгэхээр болсон юм.