Барилга байгууламжийн зураг төслийн баримт бичигт магадлал хийх орон тооны бус экспертүүдийн зөвлөгөөнөөс гарсан санал, зөвлөмж
Barilga
2019-11-05
2011 оны 01 дүгээр сарын 26-ны өдөр “Чингис” зочид буудлын хурлын танхимд “Барилга байгууламжийн зураг төслийн баримт бичигт магадлал хийх орон тооны бус экспертүүдийнзөвлөгөөн” боллоо. Зөвлөгөөн дээр экспертүүд дараах санал, зөвлөмжийг хэлсэн юм.
1. Зураг төсөлд магадлал хийх ажлыг боловсронгуй болгох магадлалын үйл ажиллагаанд судалгаа дүгнэлттэй хандаж, экспертүүдийн болон зураг төслийн үнэд анхаарч өөрчлөлт хийх. Магадлал хийх ажлыг нэг цэгийн үйлчилгээнд шилжүүлэх асуудалд анхаарал хандуулах
2. Бүх зураг төсөлд магадлал хийх ажлыг эрэмбэлэх, чадамжтай зураг төслийн байгууллагад магадлал хийх эрх олгох, барилга байгууламжийн хэмжээ, хүчин чадлаас хамаарч зэрэглэл тогтоож магадлал хийх, эрх бүхий зураг төслийн байгууллагын ажлын хариуцлагыг дээшлүүлэх
3. Хот төлөвлөлт, архитектур төлөвлөлтийг эксизийн шатанд магадлал хийх ажлыг зохион байгуулах
4. Орон тооны бус мэргэжлийн зөвлөлийн үйл ажиллагааг идэвхижүүлэх, залуу мэргэжилтнүүдийг сургаж дадлагажуулах,мэргэжилтнүүдэд мэргэжлийн өндөр шударга шаардлага тавьж ажиллах
5. Норм үнэлгээг судалгаа шинжилгээний үндсэн дээр хийж боловсруулж байх, төсвийн болон барилгын норм нормативыг шинэчлэх ажлыг эрчимжүүлэх
6. Эксперт нь мэргэжлийн өндөр чадамжтай байхаас гадна ёс зүйн хэм хэмжээг дээдэлж, хуулийн дагуу ажиллах
7. Хайгуул судалгааны ажилд магадлал хийх асуудалд анхаарч, инженер геологийн судалгааны дүгнэлтэд зураг төсөл боловсруулахаас өмнө магадлал хийж байх
8. Экспертүүд чиглэл чиглэлийн хуулийг дагаж мөрдөснөөс бусад салбарын хуультай зөрчилдөж байгааг анхаарч ажиллах
9. Барилга, эрчим хүч, авто замын норм нормативын тогтолцоог нэгдсэн системд багтааж улсын чанартай мөрддөг байх, энэ ажилтай холбоотойгоор бүртгэл ангилалын мэдээллийг нарийвчлах
10. Өндөр барилгын зураг төсөлд магадлал хийх ажлыг боловсронгуй болгож зохион байгуулах, зураг төсөл боловсруулах эрхтэй уялдуулах
11. Үйлдвэрийн барилгын технологийн зураг төслийн ажилд магадлал хийх асуудлыг анхаарах
12. Магадлал хийлгэхээр ирж байгаа зураг төслийн уялдаа холбоог сайжруулах, зургийн ерөнхий инженерийн хариуцлагыг дээшлүүлэх
13. Зураг төслийн стандартуудыг шинэчлэх, эталон зураг шинээр хийж мөрдөх ажлыг зохион байгуулах
14. Баригдсан барилга байгууламжийн зураг төсөлд магадлал хийх асуудлыг шийдвэрлэх
15. Шаардлага хангасан, холбогдох бичиг баримт нь бүрэн зураг төслийг хүлээн авч, магадлал хийлгэж байх
16. Зураг төсөл технологийн зурагтай /ПОР, ПОС/ байх асуудалд анхаарч ажиллах
17.Зураг төсөл зохиогчдын холбоо болон экспертүүдээс гарсан саналыг хэрэгжүүлж ажиллах