Орон сууцны санхүүжилтийн корпораци орон сууцны захиалга авч эхэллээ

Barilga
2019-11-05

Орон сууцны санхүүжилтийн корпораци орон сууцны захиалга авч эхэллээ

ОРОН СУУЦНЫ ЗАХИАЛГА АВАХ ЖУРАМ

Монгол Улсын Засгийн газрын "40000 айлын орон сууц" хөтөлбөрийн хүрээнд Орон сууцны санхүүжилтийн корпораци иргэд, байгууллагаас орон сууцны захиалга авах журам батлан гаргалаа. Энэхуү журмыг үндэслэн тус корпораци орон сууцны захиалга сонирхсон иргэдийг өөрийн байранд хүлээн авч, зөвлөгөө өгөн захиалга хүлээн авах хүсэлтийн тусгай маягтыг тарааж эхэллээ. Тус маягтын үнэ 1000 төг юм байна. Дээрхи баримт бичгүүдийг бүрэн эхээр нь толилуулж байна.

Нэг. Нийтлэг үндэслэл

1.1 Энэ журмын зорилго нь Монгол улсын Засгийн газраас хүн амыг орон сууцаар хангах төсөл, хөтөлбөрийн хүрээнд баригдах орон сууцанд Орон Сууцны Санхүүжилтийн Корпорациас иргэд /өрх/, байгууллагаас хүсэлт, захиалга авах, захиалгыг биелүүлэх, түүний хэрэгжилтэнд хяналт тавихтай холбогдсон харилцааг зохицуулахад оршино.

Хоёр. Нэр томьёоны тайлбар

2.1 "Хүсэлт гаргагч" гэж Орон Сууцны Санхүүжилтийн Корпораци /ОССК/-ийн гаргасан орон сууцны хүсэлтийн маягтыг бөглөж ОССК-ийн бүртгэлт хамрагдсан иргэн /өрх/-ийг ойлгоно.

2.2 "Хүсэлт хүлээн авагч" гэж Орон Сууцны Санхүүжилтийн Корпораци /ОССК/ түүнтэй гэрээ байгуулсан орон нутгийн засаг захиргаа, Төрийн болон төрийн бус байгууллага аж ахуйн нэгжийг ойлгоно.

2.3 "Захиалагч" гэж Захиалгын гэрээний нөхцөлийг зөвшөөрч, захиалга авагчтай гэрээ байгуулсан иргэнийг ойлгоно.

2.4 "Захиалга авагч" гэж Орон сууцны захиалгыг хүлээн авах Орон Сууцны Санхүүжилтийн Корпораци /ОССК/ түүнтэй гэрээ байгуулсан Үл хөдлөх хөрөнгийн компани, Оролцогч арилжааны банкийг ойлгоно.

2.5     "Оролцогч     арилжааны банк" гэж Орон сууцны санхүүжилтийн Корпораци /ОССК/-тай    дамжуулан зээлдэх гэрээ байгуулсан арилжааны банкийг ойлгоно.
2.6 "Захиалгын гэрээ" гэж Тодорхой орон сууцан дээр захиалагч, захиалга авагчийн хооронд байгуулсан гэрээг ойлгоно.

Гурав. Хүсэлт    хүлээн    авах    үйл ажиллагаа
3.1   Хүсэлт хүлээн авах үйл ажиллагаа:
3.1.1    ОССК нь хүсэлтийн   маягтыг /хавсралт-1/-ыг     хэвлүүлэн     хүсэлт хүлээн авагчид хүргүүлнэ.
3.1.2     Хүсэлт хүлээн авагч нь хүсэлтийн маягтыг    иргэдээр    бөглүүлэх    үйл ажиллагааг хариуцан ажиллана.
3.1.3    ОССК нь иргэдийн хүсэлтийг Хүсэлт хүлээн авагчаас 7 хоногт 1 удаа нэгтгэн авч дээрхи хүсэлт болон бусад бүх мэдээллийг ОССК-ийн орон сууцны   мэдээллийн   санд   оруулан, мэдээллийг боловсруулж ангилна.

Дөрөв. захиалагчид тавих шаардлага
4.1   Тогтвортой ажил эрхэлдэг буюу тодорхой орлоготой байх.
4.2   Захиалагчийн төлөх орон сууцны зээлийн   сарын   төлбөр   нь   өрхийн орлогын 1/3-ээс ихгүй байх
4.3   Захиалагчийн бүрдүүлэх баримт бичиг
•   Оршин   суугаа   газар,   өрхийн   ам бүлийн тодорхойлолт
•   Өрхийн     орлого     тодорхойлох баримтууд
•   Худалдан авах орон сууцны үнийн дүнгийн 30-аас доошгүй хувийг өөрийн хөрөнгөөс   гаргасан   буюу   гаргахыг баталгаажуулсан баримт бичиг
4.4     ОССК    нь    төсөл, хөтөлбөр бүрт "Захиалагчдад тавих шалгуур үзүүлэлт"-ийг оролцогч арилжааны банктай хамтран гаргаж баталгаажуулна.

Тав. Захиалга хүлээн авах, биелүүлэх үйл ажиллагаа
5.1   Захиалга авагч нь орон сууцны барилга угсралтын ажил 70% хүрсэн үед нь захиалагчид тавих шаардлагыг хангасан    хүсэлт    гаргагчаас    орон сууцны захиалгыг авна.

5.2 Захиалагч нь орон сууцны үнийн дүнгийн 1%-ийг урьдчилан төлнө. Урьдчилгаа төлбөрийг захиалгын гэрээний дагуу ОССК-ийн тусгай дансанд шилжүүлнэ. Орон сууцны урт хугацааны зээлд хамрагдсан тохиолдолд урьдчилгаа төлбөрийг орон сууцны үнэд тооцох ба хэрэв захиалагч захиалгаасаа татгалзсан тохиолдолд үл маргах журмаар урьчилгаа төлбөрийг Захиалга авагчийн ажил үйлчилгээний зардал болгон буцаан олгохгүй байхаар захиалгын гэрээнд тусгаж захиалга авагчийн дансанд шилжүүлнэ.

5.3 Захиалга авагч нь захиалгын гэрээг, захиалагчийн бусад баримт бичгийн хамт оролцогч арилжааны банканд хүргүүлнэ.

5.4 Оролцогч арилжааны банк "Захиалагчдад тавих шалгуур үзүүлэлт"-ийн дагуу захиалагчийн зээлийн материалын бүрдлийг хянаж зээлдэгчийг судалж, зээлийн хорооны шийдвэрийг ажлын 15 хоногт багтаан ОССК-д бичгээр мэдэгдэнэ.

5.5 ОССК оролцогч арилжааны банкны зээлийн хорооны шийдвэрийг үндэслэн зээлийн эрхийг нээнэ.

Зургаа. Хяналт тавих, тайлан мэдээ гаргах

6.1 ОССК нь орон сууцны захиалга, хяналт тавьж ажиллахдаа дараах зүйлсийг нарийвчлан анхаарч ажиллана. Үүнд:

6.1.1   Зээлийн бүрдүүлэлт;
6.1.2   Зээлийн зориулалт;
6.1.3   Зээлийн гэрээний нөхцөл шаардлагуудын биелэлт;
6.1.4   Зээлийн эргэн төлөлт

6.2 Орон сууцны зээлийн тайлан мэдээг оролцогч арилжааны банкууд маягт /хавсралт.. ./-ын дагуу улирал тутамд ОССК-д гаргаж хүргүүлнэ.

6.3 Захиалга авагч ОССК нь захиалгын биелэлтэнд хяналт тавьж, түүний үйл ажиллагааны явцыг хагас жил тутамд ОССК-ийн Төлөөлөн Удирдах Зөвлөлд танилцуулна.

Орон сууцны хүсэлт гаргах өргөдөл