Өнгөрсөн долоо хоногт Байгаль орчин, Барилга, хот байгуулалт, Мэргэжлийн хяналтын асуудал эрхэлсэн сайд нарын хамтарсан тушаал гарчээ. Уг тушаалаар барилгын компаниуд залуу модыг үйлдвэрлэлдээ ихээр ашиглаж буйтай холбогдуулан барилгын хэв хашмалын тулаасанд зулзган мод хэрэглэж буйг хориглосон юм.
Тушаалын хүрээнд нийслэлд үйл ажиллагаа явуулдаг барилгын компаниудын удирдлагад одоо хэрэглэж буй залуу модыг ирэх сарын 15-наас эхлээд ашиглахаа зогсоож, зориулалтын төмөр болон хуванцар хийц хэрэглэхийг даалгасан албан бичиг хүргүүлжээ. Өнгөрсөн онд барьсан 600 орчим барилга, байгууламжийн дөнгөж 160 нь цутгамал бетон бүтэц, хучилттай байжээ. Үлдсэн хэсэг нь буюу 400 гаруй барилгад мод хэрэглэсэн гэж үзвэл ойролцоогоор 45 мянга орчим модон тулаасыг хэв шахмалын тулгуурт ашигласан гэх судалгаа гар гарсан байна. Мөн байгаль орчны яам, Улсын мэргэжлийн хяналтын газраас томилогдон ажлын хэсэг  тавдугаар сарын 15-19-нд нийслэлд байрлах 29 комданийн үйл ажиллагаанд шалгалт хийсэн. Дээрх компани нийт 38 мянга орчим шургаагийг тулгуурт ашиглаж байсны ихэнх нь 10 см хүртэлх диамертэй залуу мод байжээ. Тиймээс уг тушаалаар 20 хүртэл см голчтой модыг барилгын үйлдвэрлэлд ашиглахыг хориглосон.