"40 мянган айлын орон сууц" хөтөлбөрийг ард түмэнд хүртээмжтэй хуваарилах үүднээс Монголын үйлдвэрчний эвлэлүүдийн холбооноос энэхүү хөтөлбөрт хяналт тавих гэнэ. Тус холбооны Ерөнхийлөгч С.Ганбаатар өчигдөр сэтгүүлчдэд энэ талаар мэдээлэл хийлээ. Энэ үеэр Орон сууцны санхүүжилтийн корпориацын гүйцэтгэх захирал Ж.Жаргалсайхан Монголын үйлдвэрчний эвлэлүүдийн холбооны Ерөнхийлөгч С.Ганбаатар нар хамтран ажиллах санамж бичигт гарын үсэг зурсан. Санамж бичигт гарын үсэг зурс-наар орон сууц авах хуримтлал чадаагүй иргэд "40 мянган айлын орон сууц" хөтөлбөрт хамрагдах боломж нээгдэх юм.
Түүнчлэн "40 мянган айлын орон сууц” хөтөлбөрийг хэрэгжүүлэх хугацаа ирэх жилийн сонгуультай давхцаж буй. Тиймээс улс төр, сонгуулийн шоу болгохгуй, зориулагдсан эздэд нь зүй ёсоор хуваарилахад Монголын үйлдвэрчний эвлэлүүдийн анхаарч төрд шахалт үзүүлнэ гэдгээ мэдэгдэв. Гэхдээ байр авах сонирхолтой иргэдээс холбогдох байгууллагууд хэдийнэ судалгаа авч эхэлсэн. Уг судалгаагаар хүсэлт гаргагчдын цалингийн хэмжээ, өрхийн орлого, амьдралын түвшинг бүгдийг мэдэж болно. Мөн байр авах хүсэлт гаргасан иргэдийн тоо дэндүү олон болчихжээ. Юун 40 мянга, түүнээс хэдэн хувиар илүү өргөдөл орон сууцны санхүүжилтийн корпориацийн бичиг хэргийн тасагт овоолоостой байна. Өргөдлөө өгсөн иргэдийн хэдэн хувь нь байр хүртэх бол. Үүнээс урьтах гол асуудал нь орон сууцаа барих мөнгөний хуваарилалт байсан. Сангийн яам энэхүү мөнгийг хуваарилах ажлыг нэлээд алгуурласны эцэст Ерөнхий сайдын оролцоотойгоор сард шийдсэн.
Мөн Засгийн газар өөрийн санаачилсан хөтөлбөрөө хэрэгжүүлэх бодитой үр дүнд хүрэх алхамыг одоо болтол хийгээгүй байна. Харин ард иргэд биелэлээ хараахан олоогүй байгаа орон сууцанд орохыг дэндүү яарч хүлээн авч байна. 40 мянган айлын орон сууцыг бүтээн байгуулах төлөвлөлт хэдийнэ батлагдсан ч алхам тутамдаа асуудалтай тулгарсаар байгаа. Өдөр ирэх тусам орон сууцны үнэ өсч байгаа нь хамгийн эхний чөдөр. Барилгын материал хангалттай бус. барилга барих мэргэжлийн боловсон хүчин дутагдалтай байдгийг мэргэжилтнүүд ярьж байна.
Монголын үйлдвэрчний эвлэлүүдийн холбооны ерөнхийлегч С.Ганбаатар "Ард түмнийг болж л өгвөл бүгдийг нь байранд оруулах шаардлагатай. Гэмт хэргийн 80 хувь нь гэр хороололд үйлдэгдэж байна. Мөн тэнд амьдрагсдын 90 хувь нь ядуу, 80 хувь ажилгүйчүүд байдаг. Ажил хийдэг л бол иргэн бүр орон сууцтай болох хэрэгтэй. Үүнд төр, засаг шударга хуваарилалт хийх шаардлагатай. Түүнээс биш тэтгэвэрийн мөнгө, хүүхдийн 3000 төгрөгөөр байр авахгүй. Засгийн газар хззээ асрамжнаасаа гарах юм бэ? Тэд ард түмнээ асрахгүй, алт зэснээс олсон ашгаараа өөрсдийгөө асрахаас өөр зүйл хийхгүй байна" гэж хэлсэн. Орон сууцтай болох хүсэлтэй иргэд дэндүү олон, байр хүрэлцээ муу байна.