Барилгынханы сагсан бөмбөгийн тэмцээн өрсөлдөөнтэй болж өндөрлөлөө

Barilga
2019-11-05

Барилгынханы сагсан бөмбөгийн тэмцээн өрсөлдөөнтэй болж өндөрлөлөө

Барилгын салбарын төрийн болон төрийн бус байгууллагуудын дунд “Бид монгол улсын бүтээн байгуулагчид – эвсэг хамт олон” уриатайгаар Тэмүүжин спорт клубт 3-р сарын 5-6 ний хооронд хоёр өдрийн турш зохион байгууллагдсан сагсан бөмбөгийн тэмцээн нилээн ширүүхэн өрсөлдөөнтэй болж өндөрлөлөө. Барилгын салбарынхан эх орны бүтээн байгуулалтанд гар бие сэтгэл зүрх нэг байдаг ч спортын талбарт ширүүн өрсөлдөгчид, басхүү спортод авъяастай гэдгээ энэ тэмцээнээр харуулаад авлаа.

Энэ тэмцээнд эрэгтэй 22 баг, эмэгтэй 5 баг оролцсон бөгөөд тоглолтын сүүлийн өдөр багуудын тоглолт нилээн ширүүн өрсөлдөөнтэй, бас хамгийн сонирхолтой тоглолтууд болж өнгөрлөө. Спортын аливаа тэмцээнийг хөгжөөн дэмжигчгүйгээр төсөөлөхийн аргагүй байдаг билээ.

Тэмцээний үеэр хамгийн хүчтэй хөгжөөн дэмжигчид нь MCS-ийнхэн байлаа. Тэмцээнийг сонирхохоор ирсэн хүмүүст Ганбаа, Мөнөө, Хөлгөө, Гоё шүү, Зүгээр зүгээр гэсэн үгс танил болсон гэхэд хилсдэхгүй шүү. Мөн “Өндөр буянт” ХХК- ийн дэмжигчид дутахааргүй гэдгээ 2 өдрийн турш харуулаад авна лээ. Хамгийн их онооны зөрүүтэй тоглолт нь Эко консракшн – MCS хоёрын тоглолт байлаа. 22 – 5-аар MCS оноогоор илт давуу байсан бол үзэгчдийг суудлаас нь өндөлзүүлсэн шуугиантай тоглолтоор Өндөр буянт – БЗТЗХ хоёрын тоглолт байлаа. Эхний тоглолт нь 16:16- аар тэнцэж, цаг сунган тоглож 20:20 –иор тэнцэн ахин цаг сунган 22:22 мөн л оноо тэнцүү болсон ч сүүлийн цаг сунгалтанд 26:27 – оор Өндөр буянтын баг илүү гэдгээ баталж чадлаа.

Ингээд тэмцээний ялагчаар

Эрэгтэй баг : 1-р байр- Бридж констракшн

2- р байр- Нийслэл – Өргөө

3- р байр- Зураг төсөл зохиогчдын холбоо

Эмэгтэй баг : 1-р байр- Номин констракшн

2-р байр- Тедмент констракшн

3-р байр- ГХБГЗЗГ-ын багууд тус тус шалгарлаа.

Харин шилдэг эмэгтэй тоглогчоор Номин констракшны инженер Д. Ган- Оюун, эрэгтэй шилдэг тоглогчоор

Нийслэл – Өргөө ХК-ийн инженер Бат- Эрдэнэ шалгарлаа.

Сагсан бөмбөгийн тэмцээний үеэр оролцогч компанийн удирдлагууд болон тэмцээнийг зохион байгуулагч байгууллагуудын удирдлагуудын оролцсон дугуй ширээний уулзалтыг зохион байгуулж, цаашид жил болгон илүү өргөн хүрээтэй өөр олон төрлийн спортоор зохион байгуулж байхаар болсон юм.

“Бид монгол улсын бүтээн байгуулагчид – эвсэг хамт олон” уриатай зохиогдсон сагсан бөмбөгийн тэмцээнийг Барилга.МН сэтгүүл, Монголын барилгын үндэсний ассиоцаци болон Монголын барилгын инженерүүдийн холбоо хамтран зохион байгууллаа.