Зах зээлд цементийн үнэ нэмэгдсэнтэй холбогдуулан үнийг бууруулах, цементийн үнэ нэмэгдсэн шалтгааныг тодруулах БХБЯ-аас ажлын хэсэг байгуулагдсан юм. Ажлын хэсэг саяхан энэ талаар дүгнэлт гаргажээ. Ажлын хэсгийнхэн Хятадын тал цементийн үнэ ханшаа нэмсэн гэж үзэж байсан бөгөөд үүнийг судалсан байна. Ажлын хэсгийнхний гаргасан судалгаагаар Хятадын тал цементийн үнээ нэг юаниар ч нэмэгдүүлээгүй байна. Харин манай ченжүүд цементийн үнийг хөөрөгдүүлсэн болох нь тогтоогджээ.

Цементийн дотоодын үйлдвэрлэлээ нэмэгдүүлж, гадаадаас цемент оруулж ирэхгүй байх нь үнийг хөөрөгдүүлэхгүй барих нэг арга юм байна. БХБ-ийн Ж.Наранцацралт өнгөрсөн сард БНХАУ-ын Барилгын сайдын урилгаар тус улсад айлчлал хийсэн. Айлчлалын хүрээнд Хятадын тал манай улсын цементийн үйлдвэрүүдийн тоног төхөөрөмжийг нэмэгдүүлж, шинээр нэг цементийн үйлдвэр бэлэглэхээр болжээ. Мөн хөнгөн даацын материалын үйлдвэр ч бэлэглэх аж. Бэлгэнд өгсөн цементийн үйлдвэрийн барилга угсралтыг энэ сарын сүүлээр байгуулахаар төлөвлөж байгаа гэнэ.