Нийслэлийн сүлд “Хангарьд”-ыг урлан бүтээх уралдааны болзол

1. Ерөнхий зүйл

Монгол улсын хөгжлийн түвшин, дүр төрхийг харуулдаг манай улс төр, засаг захиргаа, соёл, шинжлэх ухааны төв нь Улаанбаатар хотын төв хэсэгт орших Д.Сүхбаатарын талбайг хүрээлэн байрлаж, хот байгуулалт, төлөвлөлтийн цөм нь болж байдаг юм. Тус  талбайн баруун хэсэгт орших байрлах Нийслэлийн нутгийн захиргааны байгууллагуудын нэгдсэг байрны шинээр баригдаж буй 15 давхар барилгын нүүрэн талд байрлах нийслэлийн сүлд “Хангарьд”- ыг урлан бүтээх зорилгоор мэргэжлийн архитектор, зураач, урчуудын дунд 2007оны 07-р сарын 05-ны өдрөөс 15-ны өдрийг хүртэл хугацаанд уралдаан зарлаж байна.  Уралдаанд шалгарсан хамтлаг, аж ахуйн нэгжийг энэхүү ажлыг гүйцэтгэгчээр сонгох болно.

2.Зорилго
Улаанбаатар хотын  сүлд “Хангарьд”-ыг нийслэлийн нутгийн захиргааны байгууллагуудын нэгдсэн байрны 15 дугаар давхрын түвшиндбайрлуулан , өдөр шөнийн аль ч цагт нийтэд үзэгдэхүйцээр бодож шийдэл гаргасан байх.

3. Уралдаанд ирэх бүтээлийн нөхцөл, шаардлага
•    Нийслэлийн “Хангарьд” нь 3.2 метрийн диаметрийн хэмжээтэй, хөнгөн чанарын материалаар хийгдсэн. Аль ч байрлалаас харагдахуйц, хурц тод өнгөтэй, ашиглалтын явцад бат бөх, тогтвортой, өнгө зүсээ алдахгүй байх.
•    “Хангарьд” нь гэрэлтэж, үзэгдэхээр байх
•    “Хангарьд”-ыг зөвшөөрөгдөж батлагдсан хувилбараар хийх.

4. Уралдаанд ирүүлэх материал
•    90см  x  120см  харьцаатай самбар дээр зураглал, харагдах байдал зэргийг  нарийвчлан үзүүлнэ.
•    Макет хийх
•    Тайлбар бичиг, шөнийн гэрэлтүүлгийн зураг хийх.
•    Ажиллах хүч, материалын жагсаалт, “хангарьд”-ыг гүйцэтгэх, угсрах хугацаа, төсөв тооцоог нарийвчлан гаргасан байна.
•    Уралдаанд ирүүлэх зураг, макет, бусад бичиг баримт, тооцоог 2007 оны 07 дугаар сарын 15-ны өдрийн 17.00 цагаас өмнө Бага тойруу-15, Нийслэлийн төр захиргааны III байр, 4 давхар, Хот байгуулалтын хэлтсийн 405 тоот өрөөнд зохиогч өөрийн биеэр авчирч  хүлээлгэн өгнө.
•    Тодруулга авах хүсэлтэй хамтлаг, аж ахуйн нэгжүүд доорхи утсаар буюу Нийслэлийн барилга хот байгуулалт, төлөвлөлтийн газрын Хот байгуулалтын хэлтэст хандаж болно.

5. Уралдаан шагнал

1 дүгээр байранд шалгарсан оролцогчийг 1.000.000 төгрөг, шагналт байранд шалгарсан оролцогчийг 500.000 төгрөгөөр тус тус урамшуулна.