-Орон сууцны хөтөлбөрт хамрагдахын тулд дөрвөн хэлбэрээр захиалга өгнө. Нэгд,  оршин суугаа газрынхаа хороо хориноор, Хоёрт, төрийн албан хаагчид албан газраараа, гуравт, үл хөдлөх хөрөнгийн зуучлалын газраар,

Захиалагчидад ямар шаардлага тавигдах бол?

Тогтвортой ажил эрхэлдэг буюу тодорхой орлоготой байна. Захиалагч төлөх орон сууцны зээлийн сарын төлбөр тухайн өрхийн сарын орлогын гуравний нэгээс хэтрэх ёсгүй. Яагаад гэвэл орон сууцны зээлэнд төлж буй мөнгө тухайн гэр бүлд дарамт болохгүйн үүднээс.

Захиалагч ямар бичиг баримт бүрдүүлэх вэ?

Оршин суугаа газар /заавал өөрийн гэхгүй, түрээсийн байранд байсан ч хамаарна./, өрхийн ам бүлийн тодорхойлолт байна. Өрхийн орлогыг тодорхойлох бүх бичиг баримтууд байх ёстой. Гэр бүлийн баталгаа, гэр бүлийн гишүүдийн иргэний үнэмлэх, хүүхдийн гэрчилгээний хуулбар байна.Худалдан авч буй орон сууцныхаа үнийн дүнгийн 30 хүртэлх хувийг өөрийн хөрөнгөнөөс гаргасан буюу баталгаажуулсан баримт бичиг байх учиртай.

Хөтөлбөр төсөл тус бүрт тухайн үед нь захиалагчдад тавих шалгуур үзүүлэлт гэж гаргаад оролцогч арилжааны банктай тохиролцож шийдвэрлэнэ.

-"Орон сууцны хүсэлт" гэдэг маягт гарсан гэсэн ?

-Удахгүй үнэт цаас болж хэвлэгдэн гарна. 1000 төгрөгийн үнэтэй байна. Ингэж мөнгө төлөх нь нэг ёсны хариуцлага хүлээж байгаа гэсэн үг. Орон сууц хүсэгчид энэ маягтыг үнэн зөв бөглөх учиртай. Ингэснээр цаашид орон сууцны зээлд хамрагдах бүрэн үндэслэл болно. Хүсэлт бүр хоёр үсэг, дөрвөн цифр, бүгд зургаан нүд бөглөсөн хувийн дугаартай байх юм. Код, регистр маягийн энэ хувийн дугаар давхардахгуй. Хүсэлтийм маягтыг бөглөж, 1000 төгрөг төлснөөр дээрх хувийн дугаар үүснэ. Хожим нь сууцны захиалгын гэрээ хийх, орон сууцаа авчихаад зээлээ төлөөд явах бүх процесст энэ дугаараараа л харьцана.
Тухайн орон сууц хүсэгч ямар ямар хөдөлгөөнд орж вэ, арилжааны банкинд материал нь очиж уу, банкнаас ямар шийдвэр гаргасан... гээд бүгдийг манай байгууллага энэ хуудсан дээр нь тэмдэглээд явах юм. Мөн хүсэлтийг ямар хүн хүлээж авсан тухай албан тушаал, он сар, гарын үсэгтэй тэмдэглэл нь байж байна.

 -Та нар захиалгынхаа хуудсыг хэзээ тараах юм вэ?

-Эхлээд хуудсаа үнэт цаас маягаар хэвлүүлнэ. Үүнийг дахин хэвлэх, хувилах боломжгүй. Хэвлүүлчихээд нийтийн мэдээллийн хэрэгслүүдээр зарлана даа. Үндэсний их баяр наадмын дараагаас эхлээд хүсэлт хүлээж авна Наадмын өмнө маягт маань хэвлэгдээд гарчихлаа гэхэд зарлана. Тэгээд л эхэнд хэлсзн дөрвөн хэлбэрээр тараагдаж, иргэд тэндээс хүсэлтын маягтыг авна гэсэн үг.
Ирүүлсэн бичиг баримтын бүрдэлт дутуу, шаардлага хангаагүй тохиолдолд ажлын арав хоногт баримтын бүрдэл хангахыг захиалагчид албан ёсоор мэдэгдэнэ. Захиалга авагч нь эахиалгын гэрээг захиалагчийн бусад бичиг баримтын хамт оролцогч арилжааны банкинд хүргүүлэх болно.