Хүйтэн цаг агаараас болж барилгын дулаанд өндөр зардал гаргадаг ихэнх улс орнуудын санааг хэдэн арван жилээр зовоож байгаа эн тэргүүний асуудал бол барилгын салбарын эрчим хүчний үр ашгийг сайжруулах явдал юм. Муу баригдсан барилга нь халуун, хүйтэн ямар ч улиралтай улс орнуудад хүнд дарамт дагуулдаг ажээ. Халуун уур амьсгалтай оронд агаар хөргөх төхөөрөмж ашиглах явдал огцом өсч байгаа билээ. Тэр хирээр цахилгаан хангамжийн ачаалал огцом өсч, хувь хүмүүсийн түрийвчийг нимгэрүүлж, улсад бас л дарамт болж байна.

Нартай өдрүүдэд дээвэр дээрх температур 700^oС хүрдэг аж. Дулаан тусгаарлагчгүй бол энэ их өндөр температур барилга руу амархан нэвтэрч, барилгыг жинхэнэ шарах шүүгээ болгох ба ийм орчинд хүн ажиллаж, амьдрах, унтахад хүртэл хүндрэлтэй билээ. Азийн халуун бүсийн орнуудын оффисын барилгуудад хэрэглэж байгаа цахилгаан эрчим хүчний жил бүрийн хэрэглээ нэг метр квадрат тутамд 200-300 кВт/ц болдог байна. Энэ нь хүйтэн бүсийн улс орнууд болох дундад Ази, Сибирь, хойд Европын орнуудад хэрэглэж байгаа эрчим хүчний хэрэглээнээс хамаагүй их байгаа юм.

Барилгын хана болон дээвэрт бага зэрэг дулаан тусгаарлагч суурилуулснаар эрчим хүчийг бараг 50% багасгаж болно.  Агаар хөргөх үнэтэй тоног төхөөрөмж тавьж байхын оронд хэрэглэх цахилгаан эрчим хүчнийхээ бага хэсгээр нь дулаан тусгаарлагч материал суурилуулах нь ашигтайг амьдрал харуулж байна.

Та юунд хамгийн их эрчим хүч зарцуулдаг вэ?      Байрны халаалт – Энэ бол эрчим хүчийг “идэгч”

“Ирээдүйн барилгын архитектур нь зөвхөн сайхан барилгууд бариад зогсохгүй, түүн дотор ажиллаж амьдарч байгаа хүмүүс жинхэнээсээ тав тухыг эдлэж, ойрын 50 жилийн хугацаанд эрчим хүч хэрэглэсний төлбөрт аль зэрэг их мөнгө зарцуулах бол гэж санаа зовохгүй амьдрах тийм барилгыг хэлнэ” гэж Вена хотын архитекторч Роман Делуган хэлсэн байна.

БАРИЛГУУДААС ХЭДИЙГ ХЭМНЭЖ БОЛОХ ВЭ?

            Дулаанд хэрэглэдэг зардлаа 70-90% хэмнэснээр байрныхаа дотоод уур амьсгалыг сайжруулж болно. Энд “Хэмнэлттэй байшин” /Eco Home/ гэж нэрлэгдэж байгаа ирээдүйн байшингийн төлөв сонирхолтой байгаа юм. 5-15 см хүртэл зузаантай, сайн чанарын дулаан тусгаарлагчтай, агааржуулалтын сайн системтэй ийм байр эрчим хүчний өсөн нэмэгдэж байгаа үнэнд санаа зовохгүйгээр унтаж болох боломжийг танд олгох ажээ. Нарны гэрлийн үнэгүй эрчим хүч, хүний биеийн температур, ахуйн хэрэгцээнд ажиллаж байгаа цахилгаан хэрэгслээс үүсч буй температур нь ямар ч үнэгүй атлаа чухал “радиатор”-ийг үүсгэж, эрчим хүчийг тэр хэмжээгээр хэмнэх боломж өгч байна. Энэ нь манай гэр хорооллын хашаа байшинд ч хамааралтай юм.

Жишээ нь: Германы стандартын шинэ байшинтай харьцуулахад  120м2 талбайтай “Хэмнэлттэй байшин” нь өөрийнхөө ашиглалтын 100 жилийн хугацаанд зөвхөн дулаандаа ойролцоогоор 660000 кВт/цагийн эрчим хүчийг хэмнэж болохыг мэргэжилтнүүд тооцоолж гаргасан байна.

Тэгвэл бид “Хэмнэлттэй гэр”-ийн тухай ч бодох хэрэгтэй болж байна.