“Сайн дулаан тусгаарлагч нь эрчим хүчний хэрэглээг 90% хүртэл багасгадаг тул бидэнд эрчим хүчний үр ашгийн стандартад тэнцсэн шинэ барилгууд барих хэрэгтэй байна” гэж  үзэж байна.
Эрчим хүчний үнийг түрээслэгч төлөөд байгаа тохиолдолд барилгын эзнийг эрчим хүчний үр ашигтай хэрэглээнд хөрөнгө оруулуулах ямар арга хэрэглэх вэ? Тэгвэл Их Британид барилгынхаа дулаан тусгаарлагчийг сайжруулсан барилгын эздэд 1500 хүртэлх фунтын татварын хөнгөлөлт үзүүлдэг байна. Үүнийг бид бодох л хэрэгтэй юм.   

Хайхрамжгүй байдал, зүгээр суух хоёроосоо салах хэрэгтэй.
Барилгуудын эрчим хүчний үр ашгийг дээшлүүлэхийн тулд олон зүйл хийж болох билээ. Олонхи хүмүүс эрчим хүч хэмнэх нь их хөрөнгө зарах асуудал гэж алдаатай боддог. Үнэн хэрэгтээ эрчим хүч зарцуулах нь хамаагүй үнэтэй тусах бөгөөд үүнд тэрбум тэрбумээр хөрөнгө зарцуулагдаж, үүнийхээ хажуугаар агаар мандлыг бохирдуудах сая сая тонн хорт бодис ялгарч байна.
Өнөө үед дэлхий даяар баримталж байгаа бодлого бол стандартын өндөр шаардлагыг хангасан эрчим хүчний хэмнэлттэй барилга барихыг шаардаж байгаа явдал юм.

Эрчим хүч хэмнэх боломж хуучин барилгуудад ч байна.
Хэдийгээр шинэ барилгууд цаашдаа олон жилийн турш эдийн засгийн болон экологийн сайн үйлчлэл үзүүлсээр байх боловч, баригдсан барилгуудын цөөхөн хувийг эзэлж байна. Хуучин барилгууд өнөөдөр хамгийн их эрчим хүчний алдагдлыг гаргаж байгаа юм.
Тэгвэл хуучин барилгуудын дулаанаас хэмнэлт гаргаж болно. Хэрэв бид эрчим хүч хэмнэх ROCKWOOL технологийг ашиглах юм бол эрчим хүчний хэрэглээг 88% хүртэл багасгаж болох юм.
Хуучин барилгуудад эрчим хүчийг ашигтай зарцуулах боломж их байна. Харин яаж энэ боломжоо ашиглах вэ? Хамгийн хямд төсөр зам бол барилгын их засварын зураг төслийг хийхдээ  эрчим хүчний үр ашигийг дээшлүүлж, хэмнэлт гаргах зорилт тавих явдал юм. Барилгын хана болон дээврийн засварын үед нэмэлт дулаан тусгаарлагч хийж өгөх нь харьцангуйгаар хямд тусна. Засвар хийж байх үедээ эрчим хүчний үр ашигийг сайжруулах ажил хийхээс татгалзах нь маш үнэтэй тусах ашиглаагүй боломж юм.
Энэ талаар гэр хорооллын хашаандаа мод, тоосгоор байшин барьж, гадна талыг нь шавардаж дулаалсан байшингийн эзэд ч бодох хэрэгтэй.

Эрчим хүч, мөнгө хэмнэлт болон нүүрсхүчлийн хийн хаягдлыг багасгах.
Барилга бол эрчим хүчийг хамгийн их хэрэглэгч, агаар мандлыг нүүрсхүчлийн хийгээр бохирдуулах хамгийн том эх үүсвэр болдог. Европын Холбооны 15 улсын хүрээнд, хуучин барилгуудад эрчим хүч хэмнэх орчин үеийн стандартад тохирсон их засвар хийж, ROCKWOOL дулаан тусгаарлагч материалыг үр ашигтай хэрэглэснээр жил бүр мөнгөн дүнгээр 102 тэрбум Еврогийн эрчим хүчийг хэмнэсэн ба 400 сая тонн нүүрсхүчлийн хийн алдагдлыг багасгаж, бараг 300000 гаруй ажил байр бий болгосон тооцоо гарчээ. Зүүн Германд ЗХУ-ын үед баригдсан бүх барилгууд энэ төсөлд хамрагдсан байна.

БАЙРНЫ ДОТООД ОРЧИН

            Миний гэр-миний цайз гэдэг. Гэтэл гэр орон маань бидний цайз болж чадаж байна уу? Өнөөдөр бид амьдралынхаа ихэнхи хэсгийг байр сууцанд өнгөрөөж байна. Бидний амьдарч, ажиллаж байгаа байрны бичил уур амьсгал бидэнд онц чухал нөлөөтэй билээ. Бид дулаахан, тохилог гэртэй байхыг хүсдэг шүү дээ.  Тэгэхээр бидэнд гэрт ч бай, байшинд ч бай үйлдвэрлэн гаргасан эрчим хүч, дулаанаа алдагдалгүй барих тусгаарлагч хэрэглэхийг амьдрал шаардаж байна.
Дотоод уур амьсгалыг сайн байлгах 6 зөвлөгөө