-“Шинэ адар” төсөл хэдий үеэс эхэлж хэрэгжиж эхлэх вэ?
2005 оноос Нийслэлийн захирагчийн алба тендер зарлаад тэр тендэрт 6 компани оролцсоноос манайх шалгарч гарч ирсэн. Нийслэлийн захирагчийн ажлын алба шүүхийн дээд зөвлөлтэй хамтраад “Шинэ адар” төслийг хэрэгжүүлж байгаа. Энэ төсөл нь 2006-2010 оны хооронд хэрэгжинэ. Эхний ээлжинд нийтдээ 74 байшингийн дээвэр дээр хэрэгжихээр төлөвлөгөө гаргаад ажиллаж байна. Эхний 2 байшин бол БЗД-ийн 15 хорооллын Баянцээл үйлчилгээний төвийн хажууд 23, 24 гэсэн байран дээр эхэлцэн. Ашиглалтанд орох хугацаа нь 5 сард орно. Нийтдээ 52 айлын орон сууц, м2-ийн үнэ 350$. 2 өрөө 3 өрөө гэсэн зохион байгуулалттай айлууд үүсч байгаа.
-Аль зэрэг хурдан хугацаанд ашиглалтанд орох вэ? Мөн хямдрах боломжтой юу?
Ойролцоогоор урьдчилгаа мөнгө маань м.кв-аасаа шалтгаалаад 5 саяаас 7 сая төгрөгний хооронд хэлбэлзэж байгаа. Манай байр 3-5 сарын хугацаанд ашиглалтанд ордог. Маш богино хугацаанд орж байгаа учир төлбөрийг 2 хувааж авна. Бид нар өөрсдөө 40 мянган айлын орон сууцны хөтөлбөрт орохоор хүсэлтэй тавьсан байгаа. Нааштай хариу ирнэ гэж найдаж байгаа болохоор энэ утгаараа цаашдаа өшөө хямд үнэтэй болно гэсэн үг. М2 350$ гэдэг нь одоо байгаа орон сууцны үнэ ханшнаас хамгийн бага үнэлгээ.
-“Шинэ адар ” төсөл нь 40 мянган айлын орон сууцний хөтөлбөртэй адилхан сар болгон лизингийн зээлээр мөнгөө өгөх үү?
Төлбөрийн хувьд бол урьдчилгаа төлбөр байр захиалахдаа авч байгаа. 30-аас дээш хувийг байр захиалагч маань төлөх ёстой. Үлдэгдэл хувийг байранд орохдоо төлөх, үлдэгдэл хувийг төлөхдөө “Голомт банк”-ны урт хугацаатай орон сууцны зээлд хамрагдах боломжтой. Энэ нь болохоор 1,75 хувийн хүүтэй, 8 хүртэлх жилийн хугацаатай.
-Энэ төслийг хэрэгжүүлсний сайн тал нь юу вэ?
Энэ төслийг хэрэгжүүлсэнээр тухайн 4, 5 давхар угсармал орон сууцны ашиглалтын хугацааг нэмж өгнө. 1968 онд орсон орон сууц байлаа гэж бодоход тэр барилга нь 100 жилийн баталгаатай гэж байхад төсөл хэрэгжиснээр 120 жил ашиглагдах боломжтой болно. Мөн дээврээс ус гоожих, дулаан алдагдахыг багасгаж, тухайн байрны капитал засвар, орцны иж бүрэн засвар, зарим нэгэн магистрал шугамыг сольж, ан цав үүссэн хэсгийг засварлах, хананд үүссэн цанталтыг багасгах зэрэг засвар үйлчилгээ хийгдсэнээрээ сайн талтай.
- Чанаргүй барилгууд сүүлийн үед ихээр нэмэгдэх болсон. Монголчууд маань барилга барьж чадахаа больчихоод байна уу эсвэл барилгын чанар муудаад байна уу?
Яг энэ дээр бол янз бүр л дээ. Чанартайг нь ч ашиглаж байгаа хүмүүс байна, чанаргүйг нь ч ашиглаж байгаа хүмүүс байгаа. Ерөнхийдөө бол чанар гэдэг өөрөө маш том зүйл. Энэ талаар барилга барьж байгаа компаниуд маань сайн ойлгож байвал цаашид чанаргүй барилгууд баригдахгүй. Чанартай барилга баръя гэвэл чанартай материал авах хэрэгтэй. Бид нарын хувьд зарим хүмүүс хүсэлт тавьдаг. Танай “Мансард” 350$ үнэтэй юм биш үү гэдэг. Бид нар хүн амьдрах орон сууцыг хэзээ ч чанаргүй юмаар барьж болохгүй гэсэн том зарчим барьдаг. Тийм учраас хүн амьдрах орон сууцыг хэзээ ч муу материалаар барьж болохгүй. Зарим нэгэн компаниуд чанаргүй материалаар барилга барьж байгаа нь үнэхээр харамсалтай санагддаг. Бусад захиалагч болон нийт хэрэглэгчиддээ уриалахад “Мансард”-н орон сууц бүх талаа үр өгөөжтэй хямд орон сууц үүсч байгаа. Мөн бүх юмыг стандартын дагуу хийж гүйцэтгэдгээрээ онцлогтой.
-“Барилга орон сууц 2007” үзэсгэлэн яармаг таны бодлоор хэр болж өнгөрөв?
Маш сайн зохион байгуулалттай, дэг журамтай, өнгө үзэмжтэй болж өнгөрлөө.