Хувийн хэвшлийнхнийг орон сууцаар хангах хөтөлбөр удахгуй хэрэгжих гэж байна. Энэ талаар Монголын ипотекийн корпорацийн Дотоод үйл ажиллагааны хэсгийн ахлах мэргэжилтэн П.Сугарняттай ярилцлаа.

- ”10 мянган айлын орон сууц хөтөлбөр”-ийн талаар мэдээлэл өгөхгүй юу?
-  Монголын барилгын үндэсний ассоциаци, Монголын үндэсний худалдаа аж үйлдвэрийн танхим, мөн манай корпораци хамтран төрөөс хэрэгжүүлж буй “100 мянган айлын орон сууц” хөтөлбөрийн хүрээнд хувийн хэвшилд ажиллаж байгаа 10 мянган иргэнд хөнгөлөлт үзүүлэх зорилгоор гэрээнд гарын үсэг зурсан.

-  Хамтын гэрээнд гарын үсэг зурснаар хувийн хэвшлийнхэн ямар хөнгөлөлт эдлэх юм бэ?
- Ямарваа хөнгөлөлт туслалцаанд ихэвчлэн төрийн албан хаагч хамрагдаж хувийн хэвшлийнхэн орхигддог. Тэгвэл үүнийг нийтэд хүртээмжтэй болгоё, яагаад хувийн хэвшлийхэнд зориулж санаачлага гаргаж болохгүй гэсэн үүднээс хамтын санаачилга гаргасан.Бид “100 мянган айлын орон сууц” хөтөлбөрт хамрагдах хувийн хэвшлийн тодорхой хэсгийнхний байрны урьдчилгаа төлбөрийг 10 хувь болгох, цаашлаад урьдчилгаа төлбөр  авахгүй байхад анхаарах юм. Үүний тулд тухайн хүний өмнөөс батлан даалт гаргах шаардлагатай. Гэхдээ одоогийн байдлаар тодорхой шийдсэн зүйл алга байна.

-  Санхүүгийн эх үүсвэрийг хаанаас гаргах вэ?
-  Манай корпораци арилжааны есөн банк болон Монгол банк гэсэн арван банктай хамтран ажилласнаар тэд манайд хувь нийлүүлдэг. Энэ юу гэсэн үг вэ гэхээр бид банкуудаас иргэдэд олгосон зээлийг багцаар нь худалдаж аваад түүгээрээ баталгаажуулсан үнэт цаас болгоод хөрөнгийн зах зээл дээр   гаргадаг. Ийм үүсвэрээр дахин зээл худалдан авах замаар эргэлтээ бий болгодог. Бид төрөөс ямар нэг татвар авахгүйгээр өөрөө өөрийгөө санхүүжүүлдэг учраас үүнээсээ тодорхой хэмжээний хөрөнгийг гаргаж болох юм. Эхний ээлжинд санхүүжилтийг төрөөс зээлийн журмаар авч буцааж төлөх нөхцөлтэй байж болно.

-  Ямар ч урьдчилгаагүй болгох боломж байгаа юу?
-  Юуны өмнө урьдчилгаа төлбөртэй хүн байна гэдэг тодорхой хэмжээний мөнгөн хуримтлал бий болгож хадгалж чаддаг санхүүгийн сахилга баттай гэсэн үг. Ингэснээрээ тухайн хүн цаашид ч мөн ийм байдлаар авдаг цалингаасаа зээлийн төлбөрөө удаан хугацааны туршид хийгээд явах болоцоотой юм гэсэн итгэл найдвар төрүүлж байгаа хэрэг. Гэвч бид энэ асууддыг тал бүрээс нь судалж үзээд ямар ч байсан дэмжлэг үзүүлэх нь зүйтэй, тиймээс 30 хувийг өөрчлөх хэрэгтэй гэж үзсэн.

-  Хөтөлбөр хэзээнээс хэрэгжиж эхлэх вэ?
-  Бидний төлөадөгөөгөөр бол ирэх сард багтаад хөтөлбөрийн схем гарна. Эрэлт талаасаа Монголын барилгийн ассоциаци, нийлүүлэлт талаасаа Монгол банк болон арилжааны банкууд, хэрэглэгч талаасаа МҮХАҮТ аль аль нь бэлэн

Эх сурвалж: “Нийгмийн толь”