Испани улсын Коруна хотод байрладаг орчин үеийн байшинг тус улсын a-cero пүүс танилцуулсан байна. Тус байшин нь үзэхээр ирсэн хүн болгонд нээлттэй ба байшин өөрийн өвөрмөц бүтэц, зохион байгуулалтаараа хүмүүсийн анхаарлыг татдаг байна.

Энэ байшин нь тус багийн бүтээсэн хоёр дахь модулийн байшин ба нэг жилийн өмнө ийм байшинг нийслэл Мадрид хотноо анхлан барьж, танилцуулсан байна.  

Байшинг хар өнгийн шилийг хөнгөнцагаан хавтантай хослуулан барьсан ба анхны загвартайгаа адил орчин үеийн болоод цэвэрхэн, авангард үзэмж төрхийг агуулсан байна. 

 

Энд ямар нэгэн нэмэгдэл зүйл ороогүйгээрээ байшингийн өөрийн бүтэц болон материалын сайн чанарыг улам онцолж байгаа юм байна.

 

Энэ байшин нь 106 m2 талбайтай ба 3 унтлагын өрөө, 2 угаалгын өрөө, зочдын өрөө, амралтын өрөө болон гал тогооны  өрөө зэргийг багтаасан байна.