Монгол улсад барилгын салбар үүсээд 80 гаруй  жил болж байна. Энэ хугацаанд барилгын бүх л зүйлд ахиц дэвшил гарч бид  өөрсдөө ч энэ салбартаа нилээд амжилт үзүүлж байгаа билээ.

 

Барилга угсралт болон дотоод холболтын ажлын үр дүн сайн байсны үндсэн дээр чанартай тохилог орон сууц бий болно. Тиймээс дотоод дулааны холболт буюу сантехникийн ажил хамгийн чухалдаа тооцогдоно. Эдгээр чухал ажлыг гүйцэтгэгч мэргэжилтнүүд түүнд суралцагч оюутнууд болон мэргэжлийн сургалт үйлдвэрлэлийн төвийнхөнд дуулгахад ”Сантехникийн ажил” хэмээх шинэ ном хэвлэгдэн гарчээ.

 

Энэ номыг Дорноговь аймгийн Мэргэжлийн Сургалт Үйлдвэрлэлийн Төвийн багш инжинер Ч.Тогтохбаяр, Сатехникийн инжинер төрийн удирдлагын менежер Ц.Отгонбаатар нар хамтран бүтээсэн байна. МУ-ын гавъяат барилгачин сантехникийн инженер Д.Намсрай гуай хянан тохиолдуулсан нь чанарын үзүүлэлт болжээ. Одоо хэрэглэгдэж байгаа сантехникийн ном гарын авлагууд нь нилээд хуучирч орчин үеийн шинэ төхөөрөмжүүдэд нийцхээ больсон тул энэхүү номыг гаргасан аж.

 

Ном арван таван бүлгээс бүтэх бөгөөд бүлэг бүрт нарийн тайлбар орлуулж өгсөн байгаа. Өнгөт хэвлэл учир зураг бүр өөрийн тайлбартайгаараа онцлог. Ингэснээр илүү ойлгомжтой болж барилгын сантехникийн ажлын нарийн тооцоо, материал гэх зэргийн олон талт мэдлэгийн санг нэгтгэсэн байна.