Намар боллоо гээд орох суух байраа хайлдан гүйнэ. 2007 оныг бодвол орон сууцны цойлж явсан үнэ харьцангуй тогтмол байна. Тухайн үед байрны үнийг гүйцэхээр олон ч хүн худалдан авалт хийгээд эргэн хартал үнийг хөөрөгдлийг өөрийн мэдэлгүй дэмжсэн байж.
Намар боллоо гээд орох суух байраа хайлдан гүйнэ. 2007 оныг бодвол орон сууцны цойлж авсан үнэ харьцангуй тогтмол байна. Тухайн үед байрны үнийг гүйцэхээр олон ч хүн худалдан авалт хийгээд эргэн хартал үнийг хөөрөгдлийг өөрийн мэдэлгүй дэмжсэн байж. Гэхдээ л тэд харамсах зүйлгүй. Одоо харин дундаж орлоготой хэд нь гадаадад ажиллаж буй ах дүүстэйгээ богцоо нэгтгэхээр зүтгэж байна. Эх орноосоо хол хүний газар ажил олдох нь хүнд даваа болсон үед ингэсэн нь дээрээ. Хэн ч гэлээ шинэ орон сууцанд ороодохвол энэ насандаа л үлдээх юмтай гэлцэнэ. Чанарыг цаг хугацаа л харуулна даа. Барилгын материалынхаа 70 хувийг импортлодог манай орны хувьд үнийн тал дээр маргаад ч яах билээ.
Өнгөрсөн зуунд Монголчууд нийтийн тээврээр зорчоод болоод ирсэн. Харин өнөөдөр амьдралын шаардлагаар хот хөдөөгүй авто машин хөлөглөнө. Хүн амын олонхи нь суурьшсан УБ хотыг хөндлөнгөөс харах гээд үзье. Бараг ижил хийцтэй ихэнх барилгуудын гадаа машины зогсоол байхгүй. Төлбөртэй зогсоол дээр нь машин байхгүй. Зогсоолын төлбөр хотын төвд нэг цагт 250 төгрөг гэх... Зургаан давхар 24 айлын байранд есөн зогсоолтой. Зөрөх боломжгүй учир хэн түрүүлж өглөө эрт гарах нь үүд хавьцаа байрлуулна. Өвөлдөө 11 машиныг шахаад оруулчихна. Бусад айл нь гадаа хучсан, хөлдөөсөн байдалтайгаар хүйтний улирлыг давна. Их дэлгүүрийн гадаа машинаа тавих гэтэл хэдэн хүүхдүүд угаалгах уу? гэлээ. Үгүй гэхэд минь тэгвэл зурлаа шүү гээд түлхүүр гаргаад ирнэ. Ингээд дахин тэнд очих сонирхолгүй болов.
Хотоо төлөвлөхдөө барилгуудын газар доорхи байгууламжид яагаад машин тавих зогсоолын талаар дурсахгүй байгаа юм бол? Мэдэхгүй, харахгүй, санахгүй байна гэж юү байхав. Барилгын газар доорхи байгууламжийг нийгэм, эдийн засагтаа үр өгөөжтэйгөөр зохицуулах хэрэгтэй байна. Барилгын стандартдаа л тусгаад өгөлдөө. Мэдээж сайн дураараа ашигтай талбайгаа машины зогсоолд зориулах сонирхол ямар ч захиралд байхгүй. Тиймээс Хот байгуулалтын төлөвлөгөөгөө эргээд нэг хараасай. Хотын төвийн хуучин барилгуудаа нурааж шинэээр сүндэрлүүлэх гэнэ. Бас л унаагаа хаана тавих вэ? Албан томилолтоор яваад байдаг нөхдүүд гадаад улсаас туршлага судлахаар явдаг уу? Цахим сүлжээгээр олон орны хот төлөвлөлтүүд олон хэл дээр байх л юм.
Автомашины зогсоолын шийдлийг Герман, Япон зэрэг улсуудад гайхамшигтай хийжээ. Өөрсдөө зохицуулаад хийж болохгүй бол дууриалгаад хийе л дээ. Дэлхийн ард түмэн цаг хугацаатай уралдаад л байхийн.Замын түгжрэлээс болоод цаг барих хүнгүй болсон. Энэ нь байдаг зүйл мэт хээв нэг сонсоод байх юм. Машины утаанд иргэдийнх нь арьс харлачихсан. Гаднаас ирсэн зочид гийчид хэсэг байсныхаа дараа л бидний нүүрний ялгааг олж харах жишээтэй. Хүмүүсийн хоорондын харилцаа нь замдаа хэрэлдсээр байгаад жирийн үед ч архиралдах мэт сонсогдоно. Энэ хэвийн амьдрал мөн үү? Иргэн та юү гэж бодно вэ?
Идэвхитэн бичигч Н.Насанхишиг
Barilga