1926 онд Улаанхуаранд тоосгоны заводыг барьж ашиглалтад оруулан, төв аймгийн Эрдэнэ сумын нутгийн Шохойтын ам гэдэг газар байсан шохой  боловсруулах жижиг үйлдвэр болон хотод ажиллуулж байсан хувийн дөрвөн тоосго шатаах байгуулмжийг улсын мэдэлд шилжүүлж авсан нь үндэсний барилгын материалын үйлдвэрлэлийн эхлэл болсон юм.

Барилгын материалын үйлдвэрийг хөгжүүлэх талаар төрөөс ихээхэн анхаарч байсны үр дүнд 1945 онд “Барилгын материал бэлтгэх газар”-ыг байгуулсан нь барилгын материалын үйлдвэрлэлийн хөгжилд томоохон нөлөө үзүүлсэн билээ. МАХН-ын төв хорооны тавдугаар бүгд хурлаас барилга угсралтын ажлын өсөлтөөс барилгын материалын үлйдвэрлэлийг түрүүлэн хөгжүүлэх зорилт дэвшүүлсний дагуу барилгын материалын үйлдвэрүүд нь ДНБ-ий  6 хувийг үйлдвэрлэдэг аж үйлдвэрийн бие даасан салбар болтлоо хөгжсөн юм.

Барилгын матеиалын үйлдвэрүүд 1990 оноос үндсэндээ бүрэн хувьчлагдаж хувийн секторт шилжин, дасан зохицож техникийн дэвшлийн хөгжлийн зүй тогтлоор урагшлан хөгжсөөр байна.