Үнэгүй

Барилга МН

 
Дагах

Барилгалжилтийг хурдасгах төлөвлөгөө

Barilga Barilga
2019-11-05
Үзсэн: 1472

Эрс тэс уур амьсгалтай манай орон хувьд барилгын угсралтын хугацаа тодорхой хугацаагаар хязгаарлагдмал байдаг билээ. Угсралтийн хугацаа 10-4 сарын хугацаанд зогсонго байдал ордог билээ. Энэ хугацааг ашиглах юм бол маш олон талын ач холбогдолтой байх болно.

Тэгвэл үүнийг шийдэх аргыг манайтай төстэй цаг ууртай орнууд аль эрт шийдсэн ба 1990-оноос өмнө энэ арга хойд хөршийн тусламжтайгаар маш амжилттай хэрэгжиж биелэлээ олж байсан бол харин харамсалтай нь нийгэм солигдосны улмаас барилгын салбар уналтанд орж энэ бүх хийж бүтээсэн зүйл замхарч, устаж алга болсон билээ.

Энэ бол барилгын угсралтыг угсармалаар шийдэх технологи юм. Сүүлийн үед зарим нэг Хувийн компаниуд энэ технологийг нэвтрүүлэх нь ашигтайг ухааран энэ технологийг нэвтрүүлэхийг ордолдож байгаа нь сайн зүйл юм. Барилгажилт хөгжин гэдэг бол дан ганц барилгын хөжил бус юм. Хамгийн гол хөгжил нь хүний хөгжил юм. Тиймээс барилгажилт 2 дахин нэмэгдэн гэдэг бол түүнд ажиллах барилгачидын хөгжил эдийн засаг болон чадварын хувьд мөн 2 дахин хөгжих боломжтой юм. Угсармал барилгыг манайд нэвтрүүлэх юм бол өвлийн улиралд ажилгүй болдог барилгачид маань тогтмол ажилтай байх боломжтой болох юм. Угаасаа төр барилгажилтанд анхааран гэдэг бол хамгийн гол утга учир нь түүнийг бүтээж байгаа хүмүүсийн нийгмийн байдлыг шийдэхд чиглэгдэх юм. Мөн энэ утга санаагаар бол гадны ажилчид ирж манай барилгын салбарт ажиллах нь барилгын салбарын нийгэмд өгдөг хамгийн том үр өгөөжийн нэг болох олон тооны ажлын байраар хангадаг байдлыг ажилгүйдэл ийм ихтэй орны хувьд гадаадыханд найр тавьж өгч байгаа нь манай улсын ЗГ болон яамдууд маань наад талын өнгөн байдалд хэт анхаараад цаад талд нь байдаг зүйлээ мартсаныг харуулж байгаа хэрэг юм. Барилгын яам бол барилгажилтыг бодлогыг гаргах нь зүйн хэрэг бөгөөд хамгийн гол анхаарах зүйл нь энэ салбарын хүмүүсийг анхаарах явдал юм.

 
Тиймээс аливаа салбарын шийдэх гол асуудал нь тэр салбар дахь хүмүүсийнхээ нийгмийнхээ асуудлыг шийдэхэд чиглэгдэх нь хамгийн чухал зүйл болно. Тиймээс ч барилгажилт нэмэгдэх нь нэгдүгээр ач холбогдол бус энэ салбарт ажиллаж байгаа тэр мянга мянган ажилчдын нийгмийн олон асуудлыг шийдэж байгаа нь нэгдүгээр ач холбогдолтой юм. Гадаадын оронд ч гэсэн цаг уурынхаа байдлаас хамаараад угсармал болон цутгамал барилгын харьцаа янз янз байх жишээтэй. Европын орнуудад ойролцоогоор Цутгамал барилга 60%, Угсармал барилга нь 40% байх жишээтэй байх ба ОХУ бол 50:50 харьцаатай байх жишээтэй. Иймд манай шиг цаг уурын нөхцөлтэй оронд угсармал барилгыг дахин бий болгох нь зүйн хэрэг юм. Угсармал барилгыг дахин бий болгохын бас нэг ач тус нь барилгын материал үйлдвэрлэлийг хөгжүүлэж ажлын байрыг нэмэгдүүлэх явдал юм. Иймдээ ч манай оронд угсармал барилгыг хөгжүүлэж байсан нь зүгээр нэг тохиолдлын хэрэг бус юм. Энэ байдлыг олж хараад монголд ийм байдлаар хөгжүүлэх нь үр дүнтэйг олж харан хөгжүүлэж байсан хэрэг юм. Иймээс ч угсармал барилгыг аль болох хурдан нэвтрүүлэн төдий чинээ үр өгөөж нь хурдан ирэх болно.

Идэвхитэн бичигч Барсболд