Засал чимэглэлийн ажлыг барилгын эцсийн үе шатанд гүйцэтгэдэг билээ.Барилгын өрөө тасалгааг зориулалтад нь нийцүүлэн гоо зүйн болон эрүүл ахуйн шаардлагыг хангахуйцаар өнгөлөн засах нь ажлын үндсэн зорилго юм.Барилга байгууламжийн бүтээц эдлэхүүнийг гаднахь агаарын тааламжгүй нөлөөллөөс хамгаалах, түүнчлэн ашиглалтын үед өрөө тасалгааны бичил цаг уурын хэвийн нөхцлийг хангах нь заслын ажлын бас нэг зорилго болно.

Түүнчлэн өнгөлгөө засал нь суртхууны хуучралд ортлоо бат бэх тогтвортой байдлаа хадгалж байх ёстой.Нөгөөтэйгүүр энэхүү ажил нь аль болох хялбар технологитой, үнэ өртөг нь хямд төсөр байвал зохино.Судалгаагаас үзэхэд тоосгон ханатай барилгын нийт хугацааны 40%, хөдөлмөр зарцуулалтын 35% заслын ажилд ноогддог байна. Иймд заслын ажлыг аль болохоор механикжуулах шаардлагатай байдаг.Заслын ажлыг чанартай сайн гүйцэтгэх урьдчилсан нөхцөл нь өнгөлөх гадаргуу тэгш байх явдал юм.Заслын ажилд шиллэх,шаллах,өнгөлөх,будах,таазны ажилууд багтана.

Идэвхитэн бичигч ...