Нийслэлд шинээр баригдаж буй барилга, орон сууцыг газар хөдлөлтөд тэсвэртэй эсэхийг шалгах боломжтой боллоо. Нийслэлд 1994 оноос хойш Сонгино, Сонсголон орчимд газрын чичирхийлэл идэвхжсэн. Иймээс энэ хэсэгт газар хөдөлбөл дээд тал нь 6.8 магнитут буюу есөн баллын хүчтэй газар хөдлөхтооцоо бий. Учир нь энэ хэмжээний энерги уг газартхуримтлагджээ. Мөн Улаанбаатараас 250 км зайд болон Хустайн нуруу, Сонсголонд газар хөдлөлийн хагарал бий. Эл хзсэгт газар хөдлөлийн өндөр идэвхжил ч ажиглагджээ.

Өөрөөр хэлбэл, хүчтэй болон дунд зэргийн хүчтэй газар хөдлөл болох магадлалтайг Одон орон, геофизик судалгааны төвийн газар хөдлөлийн секторынхон сануулж байсан. Гэтэл өнөөдрийн байдлаар нийслэлийн хэмжээнд газар хөдлөлтийн эрсдлийг тооцоогүй 3800 орчим барилга бий. Үүний дийлэнх нь 1950-1970 оны үеийн барилга бөгөөд тоосгоор хийсэн хийц, загвар бат бөх ч суурийг нь газар хөдлөлтийн чичирхийлэлд тооцож хийгээгүй аж. Үүнд орон сууцнаас гадна сургууль, цэцэрлэг ч багтана. Иймээс эдгээр барилгыг буулгаж эхэлжээ.

Монголын Үнэн