Зурвас бичих
Messenger
Залгах- Barilga
- 2019-11-05
Дэлхийн хамгийн сонин архитехтуртай этгээд дизайнтай зочид буудалууд
Дэлхий даяар хүн болгоны хэрэгцээнд таарч тохирсон орон сууц байдаг байх. Хямдхан зочид буудалд буусан тохиолдолд угаалгын өрөөг бусадтай хувааж хэрэглэх хэрэгтэй болдог бол үнэтэй тансаг буудалд таныг хаан мэт дээдлэх үйлчлэгч нар юу хүссэнийг тань авчрирдаг. Харин доорх зочид буудлуудыг үнэ ханшаар нь бус үзэмж, эгэл бус байдлаар нь тавилаа. Дэлхийн хамгийн этгээд, гайхалтай зочид буудлуудын тухай хүргэж байна.
Турк улс, Cappadocia
Турк улсын баруун төв хэсэгт байдаг энэхүү хадан гэмээр сууцнууд нь МЭӨ 6-р зуунд Туркчуудын байр сууц нь байсан бол харин одоо Cappadocia хэмээх жуулчдын буухыг хүсдэг зочид буудал болсон байна.
Cappadocia буудлын өвөрмөц байдал нь түүний холоос хад, толгод мэт харагдах байдал бөгөөд ойртоод харахад эдгээр бяцхан хаднууд нь өрөө, тасалгаатай бөгөөд яг л гэр мэт тохицуулсан байдаг байна. Тиймээс ч эл байдлаараа дэлхийн хамгийн гайхмаар зочид буудлуудын эгнээнд багтах нь аргагүй юм .
Япон улс, Capsule зүочид буудал
Япон улсын Fukuoka болон Asakusa хотуудад байрладаг энэ цомхон өрөө бүхий зочид буудлын онцлог нь ямар ч буудлынхаас илүү тухтай ор юм байна. Үүнээс гадна зочид буудал нь хямд үнэтэй дээр бас үйлчилгээтэй сайтай зэргээрээ алдартай.
Швед улс, Utter Inn зочид буудал
Utter Inn кочид буудал нь орчин үеийн урлаг болоод орон сууцны шинжийг хоюуланг нь багтаасан өнгө төрхтэй ба Mikael Genberg анхлан зохион бүтээсэн юм байна. Шведийн Malaren нууран дээр байрладаг, амгалан тайван байдлыг өөртөө шингээсэн энэ байшингийн доод хэсэг нь бүхэлдээ нууран дээр байрладаг ба уламжлалт улаан өнгийг хадгалсан энэхүү буудалд амрахад усан дээр хөвөх мэт мэдрэмж төрдөг нь лавтай.
Коста Рика улс, Costa Verde зочид буудал
Энэхүү онгоц бүхий зочид буудал нь нэг талаар хачирхалтай харагдах боловч нөгөөтэйгүүр хүмүүсийн сонирхлыг ихээр татсан, ер бусын үзэмж төрхтэй буудалд яах аргагүй багтдаг. Энэхүү зочид буудлын үндсэн хэсэг болох энэхүү онгоц нь үнэндээ 1965 онд бүтээгдсэн Boeing 727 юм байна.
Celica буудал, Словен
Урьд нь энгийн нэг буудал байсан хэдий ч өөрчлөн, шинэчлэгдсэнээс хойш хүний хөл тасардаггүй алдартай буудал болсон байна. Гаднаа ч дотор талдаа ч аль алинд нь онцгой сэтгэдэл төрүүлэх энэхүү буудлын өрөөнүүд буюу “тасалгаанууд” нь бүгд өөр өөр хэв шинжийг агуулсан байдаг юм байна.
Hotel De Glace, Канад улс
Канадын Quebec хотод байрлах Hotel De Glace зочид буудлыг анх 1998 оны шинэ жилээр нээсэн ба энэхүү зочид буудал нь мөсөн буудлуудын хамгийн анхдагч нь бөгөөд өдгөө ч алдартай хэвээр байна.
Зочид буудлын бүх хэсэг нь мөсөөр хийгдсэн ба жил болгон дахин баридаг ба ингэхдээ үргэлж шинэ өнгө төрхтэйгээр босдог байна.
Берлин, Герман улс
Берлинд байрлах энэ зочид буудал нь үнэхээр сонирхол татмаар ба зочид буудлын өрөө бүр нь өөр өөрийн өвөрмөц шинжийг хадгалсан давтагдашгүй. Зарим өрөө нь хүний жихүүцлийг төрүүлмээр байхад зарим нэг нь яг л үлгэрийн мэт гайхалтай сэтгэлийг төрүүлнэ.
