“4000 орон сууц” төслийн 61.9 төгрөгийн зээлийг шийдвэрлэжээ
Barilga
Засгийн газраас 4000 төрийн албан хаагчийн орон сууцны зээлийн дэд хөтөлбөрийг хэрэгжүүлснээр олон олон айл өрх цалингаараа бага хүүтэй зээл төлж тохилог орон сууцтай болоод байгаа. Одоогоор “4000 орон сууц” төслийн хүрээнд 53 төсвийн ерөнхийлөн захирагчдад 4000 орон сууцны тоон хязгаар ( квот) хуваарилагдаад байгаа аж. Энэ сарын 4-ний өдрийн байдлаар 3995 төрийн албан хаагчийн нэрс тодорхой болж, албан ёсоор Орос сууц санхүүжилтийн корпорацид хандаад байгаа юм.
Үүнээс 2488 төрийн албан хаагчийн зээлийн хүсэлтийг судалж 1892 төрийн албан хаагчийн 61.9 тэрбум төгрөгийн зээлийн асуудлыг шийдвэрлэсэн. Орон сууцны үл хөдлөх эд хөрөнгийн гэрчилгээ нь зээлдэгчийн нэр дээр гарсан 1493 төрийн албан хаагчийн 48.5 тэрбум төгрөгийн зээлийн төлбөрийг 134 барилгын компанийн дансанд шилжүүлсэн байна. Цаашид энэ ондоо багтаан 490 төрийн албан хаагчийн зээлийг санхүүжүүлж, үлдсэн 1600 гаруй төрийн албан хаагчийн зээлийн хүсэлтийг 2011 оны эхний хагас жилд багтаан шийдвэрлэх юм